យល់​ដឹង​ពី​សារសំ​ខាន់​នៃ​ការ​ថែទាំ​សុខ​ភាព​ឆ្អឹង​


ឆ្អឹង​ដើរតួ​យ៉ាង​សំ​ខាន់​ និង​ច្រើន​យ៉ាង​នៅ​ក្នុង​រាង​កាយមនុស្ស​ ក្នុង​នោះ​មាន​ដូច​ជា ធ្វើ​ឱ្យ​មាន​លំនឹង​ដល់​តួខ្លួន​ទាំង​មូល​ ការ​ពារ​បណ្តា​សរី​រាង្គ​ សាច់​ដុំ​ ហើយ​​ជា​កន្លែង​ស្តុក​ទុក​សារ​ធាតុ​កាល់​ស្យូម​ផងដែរ ។ ការ​ប្រើ​ប្រាស់​កាល់​ស្យូម​បាន​គ្រប់​គ្រាន់​និង​ធ្វើ​សកម្ម​ភាព​រាង​កាយ​ដោយការ​លេង​កីឡា​ផ្សេង​ៗ​​នឹង​ជួយ​ធ្វើ​ឱ្យ​ឆ្អឹង​រឹតតែ​រឹង​មាំ​ ព្រម​ទាំង​មាន​ទម្ងន់​ធ្ងន់​​ ហើយ​ពិ​សេស​ជាង​នេះ​គឺ​អាច​កាត់​បន្ថយ​ឱកាស​កើត​ជំ​ងឺ​ពុក​ឆ្អឹងពេល​មាន​វ័យ​ចាស់​ ។

* តើ​គេ​គួរ​ប្រើ​ប្រាស់​កាល់​ស្យូម​និង​ហាត់​ប្រាណ​បែប​ណា​ខ្លះ​ដើម្បី​ជួយ​ជំ​រុញ​ដល់​សុខ​ភាព​ឆ្អឹង ?
១-កាល់​ស្យូម ៖ ជា​រ៉ែ​មួយ​ប្រ​ភេទ​ដែល​រាង​កាយ​ត្រូវ​ការ​ជា​ចាំ​បាច់​ដើម្បី​ជំ​រុញ​ដល់​សុខ​ភាព​ឆ្អឹង សុខ​ភាព​ធ្មេញ ព្រម​ទាំង​ជំ​រុញ​ការ​បំ​ពេញ​មុខ​ងារ​ដ៏​ត្រឹម​ត្រូវ​របស់​បេះ​ដូង សាច់​ដុំ​និង​សរ​សៃ​ប្រ​សាទ ។ រាង​កាយ​មនុស្ស​មិន​អាច​ផលិត​សារ​ធាតុ​កាល់​ស្យូម​បាន​ដោយ​ខ្លួន​ឯង​ទេ ។ ដូច្នេះ​ វា​ត្រូវ​​ស្រូប​យក​ពី​អា​ហារ​ដែល​ទទួល​ទាន​ ។ កាល់​ស្យូម​មាន​នៅ​ក្នុង​អា​ហារ​ដូចជា បន្លែ​ស្លឹក​ពណ៌​បៃ​តង​ចាស់​ (ស្ពៃតឿ និង​ខាត់​ណា​ខៀវ​ជា​ដើម) ផលិត​ផល​អា​ហារ​ធ្វើ​ពី​ទឹក​ដោះ​គោ ទឹក​ក្រូច​ពោធិសាត់​ នំប៉័ង គ្រាប់​ធញ្ញជាតិ ទឹក​សណ្តែក និង​ផ្លែ​អាល់​ម៉ុន​ជា​ដើម ។
+តើ​បរិ​មាណ​កាល់​ស្យូម​ប៉ុន្មាន​ដែល​រាង​កាយ​ត្រូវ​ការ​ក្នុង​មួយ​ថ្ងៃ ?
-អា​យុ​៦​ខែ​ចុះ ត្រូវ​ការ ២១០​មិល្លីក្រាម​/ថ្ងៃ
-អា​យុ​៦ខែ-១ឆ្នាំ​ត្រូវ​ការ២៧០​មិល្លីក្រាម/ថ្ងៃ​
– អា​យុ​១ឆ្នាំ​-៣ឆ្នាំ​ ត្រូវ​ការ ៥០០មិល្លី​ក្រាម/ថ្ងៃ
– អា​យុ​៤ឆ្នាំ​-៨ឆ្នាំ​ ត្រូវ​ការ ៨០០​មីល្លី​ក្រាម​/ថ្ងៃ
– អា​យុ​៩-១៣​ឆ្នាំនិង​១៤-១៨​ឆ្នាំ​ ត្រូវ​ការ ១.៣០០មីល្លី​ក្រាម​/ថ្ងៃ
– អា​យុ​១៩-៣០​ឆ្នាំ​និង​ពី​៣១ឆ្នាំ​-៥០​ឆ្នាំ​ ត្រូវ​ការ​១.០០០​មិល្លី​ក្រាម​/ថ្ងៃខណៈ​អា​យុ​៥១ឆ្នាំ​-៧០​ឆ្នាំ​ឡើង​ទៅ​ ត្រូវការ ១.២០០​មិល្លី​ក្រាម​/ថ្ងៃ។​

២- ការ​ហាត់​ប្រាណ ៖ ហាត់​ប្រាណ​ទៀង​ទាត់​ផ្តល់​អត្ថ​ប្រ​យោជន៍​យ៉ាង​ច្រើន​ដល់​សុខ​ភាព​ក្នុង​នោះ​រួម​ទាំង​ជួយ​ឱ្យ​ឆ្អឹង​រឹង​មាំ​ផងដែរ ។ ដូចជា​ការ​ប្រើ​ប្រាស់​កាល់​ស្យូម​បាន​ត្រឹម​ត្រូវដែរ​​ ហាត់​ប្រាណ​​តាំង​ពី​ក្មេង​នឹង​ជួយ​ឱ្យ​ឆ្អឹង​ឆាប់​លូត​លាស់​ពេញ​លក្ខណៈ ។ ប្រ​ភេទ​លំ​ហាត់​ប្រាណ​ដែល​ជួយ​ឱ្យ​ឆ្អឹង​រឹង​មាំ​មាន​ដូចជា ៖ ដើរ រត់​យឺត​/លឿន លើក​ទម្ងន់ លេង​បាល់​ទាត់ វាយ​កូន​បាល់ បាល់​បោះ កីឡា​ហុកគី​លើ​វាល​ស្មៅ រាំ ឡើង​​ជណ្តើរ លោតអន្ទាក់ និង​ដើរ​ឡើង​ភ្នំ​ជា​ដើម ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ