ខេត្តកំពត ៖ អគ្គិភ័យបានលេបត្របាក់ផ្ទះមន្ត្រីយោធាម្នាក់ បង្កឱ្យមានការភ្ញាក់ផ្អើលដល់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពតចំនួន២គ្រឿងបានចេញមកជួយពន្លត់ដែរ តែទំរាំមកដល់ គឺអគ្គិភ័យបានលេបត្របាក់ផ្ទះអស់ទាំងស្រុងទៅហើយ ។ ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង៤និង៣០នាទីទៀបភ្លឺថ្ងៃទី២៦ កុម្ភៈ ឆ្នាំ២០១៩…
ខេត្តកំពត ៖ អគ្គិភ័យបានលេបត្របាក់ផ្ទះមន្ត្រីយោធាម្នាក់ បង្កឱ្យមានការភ្ញាក់ផ្អើលដល់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពតចំនួន២គ្រឿងបានចេញមកជួយពន្លត់ដែរ តែទំរាំមកដល់ គឺអគ្គិភ័យបានលេបត្របាក់ផ្ទះអស់ទាំងស្រុងទៅហើយ ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង៤និង៣០នាទីទៀបភ្លឺថ្ងៃទី២៦ កុម្ភៈ ឆ្នាំ២០១៩ នៅចំណុចគល់ស្ពានក្បាលរមាស ស្ថិតក្នុងភូមិត្រពាំងធំ ឃុំជុំគ្រៀល ស្រុកទឹកឈូ ខេត្តកំពត ។
តាមប្រភពពីលោកហៃ សេង មេឃុំជុំគ្រៀលបានប្រាប់អោយដឹងថា ម្ចាស់ផ្ទះរងគ្រោះខាងលើឈ្មោះតាន់ សុផល្លី ភេទប្រុស អាយុ៦២ឆ្នាំ ជាមន្ត្រីយោធា រស់ភូមិឃុំកើតហេតុខាងលើ ។
លោកមេឃុំជុំគ្រៀលបានប្រាប់បន្តថា ក្នុងហេតុការណ៍ខាងលើបណ្តាលឱ្យរងការខូចខាតឆេះ អស់ផ្ទះមួយខ្នងទាំងស្រុង លុយខ្មែរចំនួន៣លានកន្លះ មាស១តម្លឹងកន្លះ ម៉ូតូមួយគ្រឿង ធុនសេ១២៥ និងសម្ភារមួយចំនួនទៀត។
លោកមេជុំជុំគ្រៀលបានឱ្យដឹងទៀតថា មូលហេតុបណ្តាលឱ្យអគ្គិភ័យឆាបឆេះផ្ទះមួយខ្នងខាងលើគឺមកពីទុស្សេខ្សែភ្លើង ។
តាមប្រភពពីស្ត្រីម្ចាស់ផ្ទះត្រូវជាប្រពន្ធមន្ត្រីយោធាបាននិយាយថា មុនពេលកើតហេតុ គាត់ និងកូនចំនួន៣នាក់កំពុងតែដេកលង់លក់ ស្រាប់តែមានអ្នកដំណើរបានស្រែកហៅអោយក្រោកចេញពីក្នុងផ្ទះ ពេលនោះធ្វើឱ្យគាត់ភ័យស្លន់ស្លោស្រវាយកតែកូនចេញតែប៉ុណ្ណោះ ចំណែកទ្រព្យសម្បត្តិត្រូវអគ្គិភ័យឆាបឆេះអស់ទាំងស្រុងតែម្តង ៕
ចែករំលែកព័តមាននេះ