មិនមែនជាព្រេងសំណាងពីបុព្វេ ឬក្លាយជាមហាសេដ្ឋីដោយចៃដន្យនោះទេ លោក Bodo Schafer ជនជាតិអាល្លឺម៉ង់បានប្រែក្លាយជីវិតពីភាពក្រីក្រ មកជាមហាសេដ្ឋីដ៏ល្បីល្បាញនៅទូទាំងពិភពលោក ដោយសារការខិតខំប្រឹងប្រែង គំនិតប្រាជ្ញាសុទ្ធសាទ ក្នុងនោះពាក្យដែលលើកទឹកចិត្តក្នុងការគ្រប់គ្រងប្រាក់របស់លោកមាន៣ចំណុចគឺ…
មិនមែនជាព្រេងសំណាងពីបុព្វេ ឬក្លាយជាមហាសេដ្ឋីដោយចៃដន្យនោះទេ លោក Bodo Schafer ជនជាតិអាល្លឺម៉ង់បានប្រែក្លាយជីវិតពីភាពក្រីក្រ មកជាមហាសេដ្ឋីដ៏ល្បីល្បាញនៅទូទាំងពិភពលោក ដោយសារការខិតខំប្រឹងប្រែង គំនិតប្រាជ្ញាសុទ្ធសាទ ក្នុងនោះពាក្យដែលលើកទឹកចិត្តក្នុងការគ្រប់គ្រងប្រាក់របស់លោកមាន៣ចំណុចគឺ សន្សំទុក , កំណត់ចំនួនប្រាក់ និងវិនិយោគ ហើយលោកបានផ្តល់ជាគោលគំនិតនៃការមានទ្រព្យដូចខាងក្រោមនេះ ៖
១-រកមូលហេតុ១០ចំណុច ៖ រកមូលហេតុថា ហេតុអ្វីបានជាយើងចង់មាន ហើយសរសេរនូវហេតុផលនោះចេញមក ។
២-បង្ហាញរូបភាពនៃក្តីសុបិន ៖ ការគិតស្រមៃជារូបភាពជួយឲ្យយើងចូលទៅជិតភាពជោគជ័យច្រើនជាងការសរសេរនៅក្នុងសៀវភៅ ។ ក្រៅពីនេះ ចូរសន្យាជាមួយខ្លួនឯងថា យើងនឹងកត់ត្រាទុកនូវភាពជោគជ័យ និងនឹកដល់ភាពជោគជ័យឱ្យចេញជារូបភាពប្រចាំថ្ងៃ ។
៣-កត់ត្រាភាពជោគជ័យប្រចាំថ្ងៃ ៖ ដើម្បីបង្កើតកម្លាំងបណ្តាលចិត្តដល់ខ្លួនឯង គឺចាត់ទុកជាការបង្កើតភាពជឿជាក់ដល់ខ្លួនយើង និងឈានទៅរកភាពក្លាហាននឹងធ្វើអ្វីម្យ៉ាងក្នុងជីវិត ។
៤-ព្យាយាម និងតាំងចិត្ត ៖ អ្នកដែលមាន គឺអ្នកបានព្យាយាមរកវិធីដោះស្រាយបញ្ហាឱ្យអ្នកដទៃ ដោយតាំងចិត្តធ្វើអ្វីដែលស្គាល់ និងអ្វីអាចធ្វើបាន ។
៥-រកប្រាក់ពីអ្វីដែលចូលចិត្ត និងស្ទាត់ជំនាញ ៖ ព្យាយាមគិតដល់អ្វីដែលយើងអាចធ្វើបានច្រើន ដោយសួរខ្លួនឯងរៀងរាល់ថ្ងៃថា យើងចូលចិត្តធ្វើអ្វី ស្ទាត់ជំនាញខាងអ្វី ហើយគិតមើលថា នឹងរកប្រាក់ពីត្រង់នោះបានយ៉ាងដូចម្តេច ។ អ្នកទទួលបានជោគជ័យក្នុងជីវិតភាគច្រើន គឺដោយសារបានធ្វើអ្វីពីការចូលចិត្ត ។
៦-ចំណាយប្រាក់តែអ្វីចាំបាច់ ៖ មុននឹងចំណាយប្រាក់គ្រប់ពេល ចូរសួរខ្លួនឯងថា តើវាចាំបាច់ដែរឬទេ ។
៧-រៀនពីហិរញ្ញវត្ថុ ៖ ចាប់ផ្តើមធ្វើតាមក្តីសុបិនរបស់ខ្លួន ដោយការរៀនសូត្រពីផ្នែកហិរញ្ញវត្ថុ ។
៨-យើងនឹងស្វែងរកប្រាក់បានប៉ុន្មាន ៖ គឺអាស្រ័យលើការជឿជាក់លើខ្លួនឯង ហើយវាក៏ជួយឱ្យយើងស្វែងរកអ្វីដែលអាចធ្វើបាន ឬអ្វីដែលមិនអាចធ្វើបានផងដែរ ។
៩-ប្រាក់នឹងនៅជាមួយមនុស្សដែលបានត្រៀមខ្លួនប៉ុណ្ណោះ៖ មនុស្សដែលរកប្រាក់បានដោយត្រឹមត្រូវ នឹងមានប្រាក់ដ៏ច្រើន ។
១០-ចាប់ផ្តើមវិនិយោគ ៖ ចាប់ផ្តើមវិនិយោគ គឺជាចំណុចឈានទៅរកការមានទ្រព្យសម្បត្តិ ។
១១-ចំនួនប្រាក់គ្មានភាពសំខាន់ ៖ អ្វីដែលសំខាន់ គឺយើងនឹងធ្វើយ៉ាងណាជាមួយប្រាក់នោះ ? យើងនឹងត្រូវរៀនសូត្រពីការចាត់ចែងជាមួយវាឱ្យបានត្រឹមត្រូវ ហើយត្រូវមានគុណសម្បត្តិផងដែរដើម្បីក្លាយជាមនុស្សមានទ្រព្យ និងប្រាក់កើនឡើង ។
១២-កុំសោកស្តាយនូវអ្វីដែលបាត់បង់ទៅហើយ ៖ ប៉ុន្តែចូរអរគុណដល់ពេលវេលាល្អៗដែលយើងធ្លាប់មាន និងចាប់ផ្តើមជីវិតជាថ្មីជាមួយនឹងផ្លូវទៅរក «ឥស្សរភាពផ្នែកទឹកប្រាក់» ។
ក្រោយពីបានអាននូវចំណុចល្អៗទាំងនេះ តើមានចំណុចណាខ្លះដែលលោកអ្នកកំពុងអនុវត្ត? សូមចូលរួមផ្ដល់មតិយោបល់ ប្រសិនបើលោកអ្នកគិតថាមានចំណុចល្អៗដើម្បីក្លាយជាអ្នកមាន ៕
ចែករំលែកព័តមាននេះ