លោក ត្រាំ ស្រែកមួយម៉ាត់តម្លៃប្រេងធ្លាក់ខ្ពាក
សហរដ្ឋអាមេរិក ៖ យោងតាមសារព័ត៌មាន Rueters បានឲ្យដឹងកាលពីថ្ងៃទី២៥ កុម្ភៈ កន្លងមកថា តម្លៃប្រេងបានធ្លាក់ចុះច្រើនជាង៣%ទៅទៀតកាលពីថ្ងៃចន្ទ បន្ទាប់ពីលោកប្រធានាធិបតី ដូណាល់…
សហរដ្ឋអាមេរិក ៖ យោងតាមសារព័ត៌មាន Rueters បានឲ្យដឹងកាលពីថ្ងៃទី២៥ កុម្ភៈ កន្លងមកថា តម្លៃប្រេងបានធ្លាក់ចុះច្រើនជាង៣%ទៅទៀតកាលពីថ្ងៃចន្ទ បន្ទាប់ពីលោកប្រធានាធិបតី ដូណាល់ ត្រាំ (Donald Trump) របស់សហរដ្ឋអាមេរិកស្នើដល់ OPEC ឲ្យកាត់បន្ថយការខិតខំប្រឹងប្រែងក្នុងការបង្កើនតម្លៃប្រេងឥន្ធនៈ ដោយលោកបាននិយាយថា តម្លៃប្រេងកំពុងតែកើនឡើងខ្ពស់ពេកហើយ ។
តម្លៃប្រេងឆៅរបស់ក្រុមហ៊ុន Brent បានធ្លាក់ចុះ ២.៣៦ដុល្លារ ឬ ៣.៥% មកស្មើ ៦៤.៧៦ដុល្លារក្នុងមួយធុង ខណៈដែលតម្លៃប្រេងអាមេរិកបានធ្លាក់ចុះអស់ ១.៧៨ដុល្លារ ឬ៣.១% មកស្មើ ៥៥.៤៨ដុល្លារក្នុងមួយធុងផងដែរ ។
លោកប្រធានាធិបតី ត្រាំ បាននិយាយលើ Twitter របស់លោកថា«តម្លៃប្រេងកំពុងតែកើនឡើងខ្ពស់ពេកហើយ ។ OPEC សូមសម្រាក និងបន្ធូបន្ថយផង ។ ពិភពលោកមិនអាចទទួលយកកំណើនតម្លៃទេ ទន់ខ្សោយណាស់!» ។
លោក Michael O’Donnell ដែលជាអ្នកយុទ្ធសាស្ត្រនៅ RJO Futures ក្នុងរដ្ឋ Chicago បាននិយាយថា «ខ្ញុំគិតថា Tweet នោះបានជំរុញឲ្យមានការធ្លាក់ចុះយ៉ាងខ្លាំងកាលពីពេលព្រឹក ហើយពួកយើងមិនទាន់មើលឃើញការល្អប្រសើរឡើងវិញទេ» ។
គួរបញ្ជាក់ផងដែរថា តម្លៃប្រេងបានកើនឡើងប្រមាណ ២០%មកហើយតាំងពីដើមឆ្នាំនេះពេលដែលអង្គការនៃប្រទេសនាំចេញប្រេង (OPEC) និងប្រទេសដែលមិនមែនជាសមាជិកដទៃដូចជារុស្ស៊ីកាត់បន្ថយផលិតកម្មដើម្បីកាត់បន្ថយចំនួនប្រេងលើទីផ្សារ ៕
ប្រភព ៖ Rueters
ចែករំលែកព័តមាននេះ