ខេត្តបន្ទាយមានជ័យ ៖ ជនសង្ស័យចំនួន៣នាក់បានវាយទៅលើជនរងគ្រោះម្នាក់ បណ្តាលឱ្យសន្លប់ ក្នុងទំនាស់ពាក្យសម្តីពេលផឹកស៊ី ហើយសមត្ថកិច្ចបានចាប់ឃាត់ខ្លួនជនសង្ស័យ៣នាក់ដោយចោទប្រកាន់ពីបទប្រើអំពើហិង្សាដោយចេតនាមានស្ថានទម្ងន់ទោស ត្រូវបានបញ្ជូនទៅកាន់សាលាដំបូងខេត្តបន្ទាយមានជ័យកាលពីថ្ងៃទី២៤ ខែកុម្ភៈ ឆ្នាំ២០១៩។ ជនសង្ស័យ៣នាក់ខាងលើរួមមាន…
ខេត្តបន្ទាយមានជ័យ ៖ ជនសង្ស័យចំនួន៣នាក់បានវាយទៅលើជនរងគ្រោះម្នាក់ បណ្តាលឱ្យសន្លប់ ក្នុងទំនាស់ពាក្យសម្តីពេលផឹកស៊ី ហើយសមត្ថកិច្ចបានចាប់ឃាត់ខ្លួនជនសង្ស័យ៣នាក់ដោយចោទប្រកាន់ពីបទប្រើអំពើហិង្សាដោយចេតនាមានស្ថានទម្ងន់ទោស ត្រូវបានបញ្ជូនទៅកាន់សាលាដំបូងខេត្តបន្ទាយមានជ័យកាលពីថ្ងៃទី២៤ ខែកុម្ភៈ ឆ្នាំ២០១៩។
ជនសង្ស័យ៣នាក់ខាងលើរួមមាន ១-ឈ្មោះ ថន ថុន ភេទប្រុស អាយុ៣៥ឆ្នាំ ២-ឈ្មោះ រ័ត្ន ឡាទី ភេទប្រុស អាយុ៣៥ឆ្នាំ និង៣-ឈ្មោះ វ៉ែន ពៅ ភេទប្រុស អាយុ៥១ឆ្នាំ ។ ជនសង្ស័យទាំង៣នាក់ស្នាក់នៅក្រុងប៉ោយប៉េត។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបន្ទាយមានជ័យបានឱ្យដឹងថា ក្រោយពេលទទួលពាក្យបណ្តឹងពីជនរងគ្រោះឈ្មោះ សៀម វី ភេទប្រុស អាយុ៣២ឆ្នាំរស់នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត បានដាក់ពាក្យប្តឹងជនសង្ស័យ៣នាក់ខាងលើពីបទបង្ករបួសស្នាមដែលបានប្រព្រឹត្តកាលវេលាម៉ោង១១និង៣០នាទីយប់ពីថ្ងៃទី២១ខែកុម្ភៈ ឆ្នាំ២០១៩ នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ។
លោករសេនីយ៍ឯកបានឱ្យដឹងថា ពេលកំពុងផឹកស៊ីជុំគ្នាក្នុងចំណោមមិត្តភក្តិ៤ទៅ៥នាក់នៅការដ្ឋានសំណង់មួយកន្លែង ស្រាប់តែកើតមានទំនាស់ពាក្យសំដីគ្នា ហើយជនសង្ស័យចំនួន៣នាក់បានយកដែកស្បែងព្រួតគ្នាវាយទៅលើជនរងគ្រោះត្រូវចំផ្នែកស្មាខាងក្រោយ និងវាយចំខ្ទង់ច្រមុះ បណ្តាលដួលសន្លប់ ហើយអ្នកជិតខាងបានបញ្ជូនជនរងគ្រោះទៅសង្គ្រោះបន្ទាន់នៅមន្ទីរពេទ្យ។ បន្ទាប់មកជនរងគ្រោះបានដាក់ពាក្យបណ្តឹងទៅសមត្ថកិច្ចដើម្បីឱ្យជួយអន្តរាគមន៍ ។
លោកវរសេនីយ៍ឯកបានឱ្យដឹងទៀតថា ក្រោយពេលដែលទទួលពាក្យបណ្តឹងពីជនរងគ្រោះភ្លាម កម្លាំងកងរាជអាវុធហត្ថក្រុងប៉ោយប៉ែតបានចុះឃាត់ខ្លួនជនសង្ស័យចំនួន៣នាក់ភ្លាមៗ និងកន្លែងដកហូតវត្ថុតាងដែកស្បែង បញ្ជូនមកសាកសួរនៅទីបញ្ជាការកងររាជអាវុធហត្ថក្រុងប៉ោយប៉ែត ។ តាមចម្លើយសារភាពរបស់ជនសង្ស័យទាំង៣នាក់បាននិយាយថា មូលហេតុដែលពួកខ្លួនវាយជនរងគ្រោះ គឺបណ្តាលមកពីជនរងគ្រោះពេលផឹកស៊ីស្រវឹងនិយាយអួតអាងរករឿង និងនិយាយតាប៉ែច្រើន ទើបពួកខ្លួនវាយអោយរាង ថ្ងៃក្រោយពេលផឹកស៊ីកុំអោយនិយាយច្រើនហើយអួតអាងទៀត។
លោកវរសេនីយ៍ឯកបញ្ជាក់ថា ក្រោយពេលឃាត់ខ្លួនជនសង្ស័យ៣នាក់ ដោយយោងតាមចម្លើយសារភាព និងវត្ថុតាងបង្ករបួសស្នាមត្រូវចោទប្រកាន់ពីបទហិង្សាដោយចេតនាមានស្ថានទម្ងន់ទោសត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់៕
ចែករំលែកព័តមាននេះ