ពេលប្ដីស្លា.ប់ប្រពន្ធថា អ្វីៗគ្រប់យ៉ាងកើតឡើងព្រោះតែការក្បត់លួចមានថ្មី
«The Sun» ផ្សាយថា លោកស្រីយូដេមេ អូទីកេ អូឌីប៊ី (Udeme Otike-Odibi) មេធាវីជនជាតិនីហ្សេរីយ៉ា អាយុ៤៨ឆ្នាំបានសម្លាប់ប្ដីលោកស៊ីមហ្វូរ៉ូសា…
«The Sun» ផ្សាយថា លោកស្រីយូដេមេ អូទីកេ អូឌីប៊ី (Udeme Otike-Odibi) មេធាវីជនជាតិនីហ្សេរីយ៉ា អាយុ៤៨ឆ្នាំបានសម្លាប់ប្ដីលោកស៊ីមហ្វូរ៉ូសា អូធីកេ អូឌីប៊ី (Symphorosa Otike-Odibi) អាយុ៥០ឆ្នាំយ៉ាងព្រៃផ្សែ ព្រោះខឹងក្បត់មានស្រីថ្មី ។
លោកស្រីយូដេមេ បានបង្កហេតុដោយយកខ្ទះវាយក្បាល និងកាំបិតចាក់ប្ដីឥតប្រណីដៃ ក្រោយមកក៏កាត់អវយវៈភេទចោល ។ នៅពេលប្ដីស្លាប់លោកស្រីបាននិយាយថា អ្វីៗគ្រប់យ៉ាងដែលកើតឡើងព្រោះតែការក្បត់លួចមានអ្នកថ្មី ។
ហេតុការណ៍ដ៏រន្ធត់នេះបានកើតឡើងនៅឯផ្ទះក្នុងក្រុងឡេកគី (Lekki) រដ្ឋឡាហ្គោស (Lagos) ភាគខាងលិចឆៀងខាងត្បូងប្រទេសនីហ្សេរីយ៉ា ។
ប្ដីប្រពន្ធមួយគូនេះជាអ្នកច្បាប់ គឺលោកសុីមហ្វូរ៉ូសាក៏មានអាជីពជាមេធាវីដែរ ។ មួយរយៈចុងក្រោយនេះភាពតានតឹងរបស់អ្នកទាំង២កាន់តែធ្ងន់ ខណៈពេលលោកសុីមហ្វូរ៉ូសាកំពុងដេកលោកស្រីយូដេមេក៏មកអង្គុយក្បែរដោយសួរនាំថាតើសំបុត្រអាពាហ៍ពិពាហ៍បាត់ទៅណា ? ប៉ុន្តែគេធ្វើព្រងើយ លោកស្រីក៏ខឹង និងទាស់គ្នារហូតតឹងសរសៃក ។ លោកស្រីក៏យកខ្ទះវាយក្បាល រួមទាំងចាក់ប្តីបណ្ដាលឲ្យស្លាប់ ។
ក្រោយពីសម្លាប់ប្ដីរួចលោកស្រីយូដេមេ អូទីកេ អូឌីប៊ី ឃើញប្រដាប់ភេទលៀនចេញមកក្រៅខោ ក៏និយាយជាមួយសាកសពថា ប្រដាប់ភេទនេះជាហេតុធ្វើឲ្យមានស្រីថ្មី ! ហើយក៏កាត់វាចោល និងយកទៅដាក់នៅក្នុងដៃស្ដាំរបស់សព ។
ក្រោយមកលោកស្រីយូដេមេ អូទីកេ អូឌីប៊ីត្រូវចាប់ខ្លួននិងនាំឡើងតុលាការលើកដំបូងកាលពីខែមិថុនា២០១៨ ។ លោកស្រីយូដេមេ ត្រូវបានឃុំខ្លួន និងចូលសវនាការម្ដងទៀតនៅថ្ងៃទី២៥ កុម្ភៈ នេះ ៕
ចែករំលែកព័តមាននេះ