ប្រទេសវៀតណាម ៖ ជនមានមុខមាត់ប្រហាក់ប្រហែលនឹង លោកគីម ជុងអ៊ុន មេដឹកនាំកូរ៉េខាងជើង ត្រូវបានវៀតណាមចាប់ខ្លួន មុនការជួបគ្នាកំពូលរវាងមេដឹកនាំរូបនោះជាមួយប្រធានាធិបតីអាមេរិក លោកដូណាល់ត្រាំ រួចជននោះនាថ្ងៃទី២៥ កុម្ភៈ ត្រូវបណ្ដេញចេញ។ បុរសនោះលោក HOWARD X បានបរិហារពីការខ្វះភាពគួរសមរបស់របបកុំមុយនីស្តវៀតណាម។
លោកHOWARD Xនិងបុរសមានមុខមាត់ដូចលោកដូណាល់ត្រាំលោកRUSSELL WHITE នាថ្ងៃទី២២កុម្ភៈ បានរៀបចំការជួបគ្នាកំពូលមួយរបស់ពួកគេដែរ នៅកណ្ដាលក្រុងហាណូយ។ ប៉ូលិសប្រមាណជា១០នាក់ បន្ទាប់មកមានវត្តមាន នៅឯស្ថានីយទូរទស្សន៍ក្នុងស្រុកមួយ ជាកន្លែងដែលអ្នកទាំង២ធ្វើបទសម្ភាសន៍ ដោយស្នើពួកគេឲ្យបញ្ឈប់ការបង្ហាញខ្លួន។
ក្នុងសន្និសីទសារព័ត៌មានមួយ នាព្រឹកថ្ងៃទី២៥កុម្ភៈ នៅឯសណ្ឋាគារដែលខ្លួនស្នាក់ លោកHOWARD Xជាអ្នកក្រុងហុងកុងបានរិះគន់របបកុំមុយនីស្តវៀតណាមដែលលើកហេតុផលពីការចាប់បណ្ដេញរូបគេ ដោយថាទិដ្ឋាការរបស់គេពុំមានសុពលភាព។ លោកថាមូលហេតុពិតក៏ព្រោះតែគេមានមុខមាត់ដូចលោកគីមជុងអ៊ុន។ លោកថ្លែងបែបនេះមុខសារព័ត៌មានមុនពេលឡើងរថយន្ត អមដោយប៉ូលិសវៀតណាម៣នាក់។
ចំណែកអ្នកមានមុខមាត់ដូចលោកត្រាំ មានដើមកំណើតកាណាដា ត្រូវបានអនុញ្ញាតឲ្យនៅ តែកុំបង្ហាញខ្លួននៅទីសាធារណៈ ក្នុងនាមជាលោកត្រាំ៕
ចែករំលែកព័តមាននេះ