តាមប្រភពព័ត៌មានពីកម្លាំងមានសមត្ថកិច្ចមូលដ្ឋានបានប្រាប់ឱ្យដឹងថា មុនពេលឆ្មក់ចូល នៅវេលាម៉ោងប្រមាណជា១១យប់ថ្ងៃទី២២ កុម្ភៈ បទបញ្ជាកម្លាំងដោយផ្ទាល់ពីសំណាក់លោកឧត្តមសេនីយ៍ឯក ស ថេត ស្នងការនគរបាលរាជធានី កម្លាំងនគរបាលនៃស្នងការដ្ឋានរាប់រយនាក់ បានធ្វើការឡោមព័ទ្ធមណ្ឌលកម្សាន្តរ៉ក់ ។ ហើយនៅវេលាម៉ោង១ និង៤៥នាទីក៏បានឆ្មក់ចូល ដើម្បីធ្វើការបង្ក្រាបនៅខាងក្នុង ខណៈពេលដែលមានមនុស្សប្រុស-ស្រី-ក្មេង-ចាស់ ដែលភាគច្រើនជាក្រុមយុវវ័យ កំពុងតែពពាក់ពពូនគ្នាចូលមកកម្សាន្តប្រៀបបានជាឋានសួគ៌លោកិយ ។ គួររំលឹកថា ៖ អុញនោះធ្ងន់.កហើយស្រីស្អាតប្រុសស្អាតឃាត់ខ្លួននៅ Rock ជាង៣០០នាក់នោះពេលនេះ…វីវរហើយ !
តាមប្រភពដដែលបានប្រាប់បន្តទៀតថា ក្នុងប្រតិបត្តិការបង្ក្រាបគ្រឿងញៀននេះ កម្លាំងមានសមត្ថកិច្ចបានចាប់ឃាត់ខ្លួនមនុស្សទាំងអស់ នៅក្នុងមជ្ឈមណ្ឌលកម្សាន្តរ៉ក់នេះ រួមទាំងថ្នាំញៀនជាច្រើនប្រភេទមួយចំនួនធំ ។ ប្រតិបត្តិការបង្ក្រាបគ្រឿងញៀន នៅក្នុងមណ្ឌលរ៉ក់នេះ កម្លាំងនៃស្នងការដ្ឋាននគរបាល បានធ្វើឡើង ដោយមិនមានកិច្ចសហការ ឬក៏ប្រាប់កម្លាំងមានសមត្ថកិច្ចមូលដ្ឋានឱ្យបានដឹងជាមុនឡើយ ទំនងជាចង់រក្សាការសម្ងាត់ កុំឱ្យមានការភ្ញាក់ផ្អើលក្នុងសម្បុកគ្រឿងញៀនដ៏ធំនិងរឹងមាំនេះ ។
មន្ត្រីនគរបាលមូលដ្ឋានថា កម្លាំងរបស់ពួកលោក បានត្រឹមតែនាំគ្នាឈរមើល និងជួយយាមការពារជុំវិញនៅខាងក្រៅតាំងពីយប់រហូតដល់ថ្ងៃតែប៉ុណ្ណោះ ។ ក្រោយពីប្រតិបត្តិនៅខាងក្នុងរួចហើយ គេឃើញ
មានរថយន្តទ្រុងជាច្រើនគ្រឿង បានមកដឹកយកមនុស្សទាំងជាង៣០០នាក់ដែលឃាត់ខ្លួន រួមទាំងគ្រឿងញៀនយ៉ាងច្រើនសន្ធឹកសន្ធាប់យកទៅកាន់ស្នងការដ្ឋាននគរបាលរាជធានីភ្នំពេញ ជាបន្តបន្ទាប់កក្រើកនៅវេលាទៀបភ្លឺ ។ លុះដល់ម៉ោងជាង៥ជិតភ្លឺថ្ងៃទី២៣ កុម្ភៈ ឆ្នាំ២០១៩ ទើបប្រតិបត្តិការបង្ក្រាបគ្រឿងញៀន ត្រូវបានបញ្ចប់ និងត្រូវបានឃ្លុំបេមណ្ឌលកម្សាន្តរ៉ក់ មិនឱ្យធ្វើអាជីវកម្មឬចេញចូលទេ ។
លោកឧត្តមសេនីយ៍ ស ថេត ស្នងការនគរបាលរាជធានីបានបង្ហោះ លើបណ្តាញសង្គម facebookរបស់លោកថា «យប់មិញខ្ញុំ និងស្នងការរងជាច្រើនរូប ព្រមទាំងកម្លាំងជំនាញចម្រុះ បានចុះបង្ក្រាបគ្រឿងញៀនទ្រង់ទ្រាយធំ ដោយផ្ទាល់នៅមជ្ឈមណ្ឌលកម្សាន្តរ៉ក់ ។ ដោយបានឃាត់ខ្លួនអ្នកប្រើប្រាស់ និងអ្នកចែកចាយជាង៣០០នាក់ ក្នុងនោះ មានជនជាតិចិនចំនួន១៤នាក់ ហើយដកហូតបានគ្រឿងញៀនជាង៥០គីឡូក្រាម ជញ្ជីងថ្លឹងគ្រឿងញៀន១២ និងកាំភ្លើងខ្លី១ដើម» ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ