រាជធានីភ្នំពេញ៖ បេក្ខនារីជាង៤០ប្រទេសបានមកចូលរួមប្រកួតដណ្ដើមមកុដកម្មវិធីប្រកួតសម្រស់Miss Planet International 2019 នៅលើទឹកដីកម្ពុជា ។ នារីស្រស់ស្អាតតំណាងមកពីជុំវិញពិភពលោកនេះបានបង្ហាញវត្តមាននៅរាជធានីភ្នំពេញនាព្រឹកថ្ងៃទី២៣ ខែកុម្ភៈ ឆ្នាំ២០១៩…
រាជធានីភ្នំពេញ៖ បេក្ខនារីជាង៤០ប្រទេសបានមកចូលរួមប្រកួតដណ្ដើមមកុដកម្មវិធីប្រកួតសម្រស់Miss Planet International 2019 នៅលើទឹកដីកម្ពុជា ។ នារីស្រស់ស្អាតតំណាងមកពីជុំវិញពិភពលោកនេះបានបង្ហាញវត្តមាននៅរាជធានីភ្នំពេញនាព្រឹកថ្ងៃទី២៣ ខែកុម្ភៈ ឆ្នាំ២០១៩ ។
លោកស្រីមីន ហាលីម៉ាស់ ដែលបង្កើតឲ្យមានកម្មវិធី Miss Planet International 2019 បានឲ្យដឹងថា នេះគឺជាលើកទី១ហើយដែលលោកស្រីបាននាំយកព្រឹត្តិការណ៍ប្រកួតប្រជែងសម្រស់ថ្នាក់អន្តរជាតិមកកាន់កម្ពុជា ក្រោមការចូលរួមគាំទ្រយ៉ាងពេញទំហឹងពីក្រសួងវប្បធម៌ និងវិចិត្រសិល្បៈ ក្រួសួងទេសចរណ៍ និងក្រសួងបរិស្ថានជាដើម ។ គោលបំណងនៃការរៀបចំកម្មវិធីនេះឡើងគឺដើម្បីផ្សព្វផ្សាយអំពីសិល្បៈ វប្បធម៌ ប្រពៃណីជាតិ បរិស្ថានធម្មជាតិ ទេសចរណ៍ និងជួយលើកកម្ពស់កិត្យានុភាពរបស់ប្រទេសកម្ពុជានៅលើឆាកអន្តរជាតិតាមរយៈការផ្លាស់ប្ដូរនូវបទពិសោធន៍ពីគ្នាទៅវិញទៅមករវាងបរវរកញ្ញាឯកភពផែនដីមកពីប្រទេស នីមួយៗ ។
កម្មវិធីMiss Planet International 2019 ដែលមានកម្ពុជាជាម្ចាស់ផ្ទះចាប់ផ្ដើមប្រកួតប្រជែងពីថ្ងៃទី២៣ ខែកុម្ភៈ ឆ្នាំ២០១៩តទៅ ហើយវគ្គផ្ដាច់ព្រ័ត្រនឹងប្រព្រឹត្តទៅនាថ្ងៃទី១ ខែមីនា ឆ្នាំ២០១៩ ម៉ោង៧យប់ នៅសាលមហាស្រពកោះពេជ្រ ។ បេក្ខនារីដែលតំណាងឲ្យកម្ពុជា គឺកញ្ញារីចំណាន កល្យាណ ជាកូនអ្នកភ្នំពេញ ។
កញ្ញារំដួលលិចទឹក ជាអ្នករៀបចំកម្មវិធីបានលើកសរសើរថា «កញ្ញាលេខ១ដែលគ្រងមកុដរបស់កម្ពុជា គឺមានភាពវាងវៃជាងគេទាំងដំណើរ និងបុគ្គលិកលក្ខណៈ ផ្សេងៗទៀតបូកការក្លាហាន គឺមានចេញពីក្នុងខ្លួនមិនត្រឹមតែស្អាតទេ ។ យើង នឹងព្យាយាមបង្វឹកនាងឲ្យល្អបន្តទៀត ដើម្បីឆ្ពោះទៅកាន់ឆាកអន្តរជាតិខាងមុខដែលយើងជាអ្នករៀបចំ»៕
ចែករំលែកព័តមាននេះ