រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើឲ្យក្រសួងប្រៃសណីយបំពាក់វ៉ាយហ្វាយ ៗ (WiFi) ព្រីជូនដល់ភ្ញៀវទេសចរណ៍នៅកន្លែងទេសចរណ៍ឲ្យបានប្រើប្រាស់គ្រប់គ្រាន់ ។ មានប្រសាសន៍ ក្នុងពិធីអបអរសាទរ «ទិវាជាតិទីក្រុងស្អាត» លើកទី៧ ក្រោមប្រធានបទ «ទីក្រុងស្អាត ទីក្រុងផ្តល់ភាព កក់ក្តៅ» ដែលប្រព្រឹត្តទៅនៅសណ្ឋាគារសុខាភ្នំពេញ នាព្រឹកថ្ងៃទី២៥ ខែកុម្ភៈ សម្តេចតេជោ ហ៊ុន សែន បានស្នើឲ្យក្រសួងទូរគមនាគមន៍ និងប្រៃសណីយ បំពាក់វ៉ាយហ្វាយ នៅកន្លែងទេសចរណ៍ជូនដល់ភ្ញៀវ ចរណ៍ប្រើប្រាស់ឲ្យបានល្អ ។
សម្តេចតេជោក៏បានលើកឡើងថា កន្លងមកនេះសេវាកម្មវ៉ាយហ្វាយនេះពេលខ្លះមិនអាចប្រើប្រាស់ បាននោះទេ ដូច្នេះអ្នកដាក់ប្រើប្រាស់ត្រូវពិនិត្យ និងនិយាយជាមួយក្រុមហ៊ុនឲ្យបានច្បាស់លាស់ កុំបានដាក់ តែមិនអាចប្រើប្រាស់កើត ។ ជាមួយគ្នានោះដែរសម្តេចក៏បានឲ្យដឹងថា សម្តេចក៏បានប្រើប្រាស់ ដុំវាយហ្វាយ នៅខ្លួនរហូតដល់ចំនួនពីរគ្រឿង ប៉ុន្តែពេលខ្លះក៏មិនអាចប្រើប្រាស់បានដែរ ដោយសារសេវា៕
ចែករំលែកព័តមាននេះ