រាជធានីភ្នំពេញ ៖ ពិតជាពិសេសទៀតហើយនៅប៉ុន្មានថ្ងៃខាងមុខនេះកម្ពុជានឹងរៀបចំការប្រកួតបវរកញ្ញាដ៏ធំប្រចាំឆ្នាំ ហើយកំពុងអ៊ុតមើលថា តើបវរកញ្ញាឯកកម្ពុជាតំណាងជាតិមានភាពលេចធ្លោ និងក្លាហ៊ានសម្តែងលើឆាកកម្រិតណា ។
កម្មវិធីនេះប្រកាសឲ្យដឹងកាលពីព្រឹកថ្ងៃទី២៣ ខែកុម្ភៈ ឆ្នាំ២០១៩ ដោយមានការចូលរួមពីលោកស្រី ម៉ីន ហាលីម៉ាស់ អគ្គនាយិកាក្រុមហ៊ុន មីស ផ្លេនិត អ៊ីនធឺណេសិនណល និងជាអ្នករៀបចំកម្មវិធីបវរកញ្ញាភពផែនដី ឆ្នាំ២០១៩ (Miss planet International 2019) និងលោកស្រី Both Phirun ដែលជាម្ចាស់ក្រុមហ៊ុន (Rakimlong Co.,Ltd) ហើយរួមទាំងក្រសួងទេសចរណ៍ ក្រសួងវប្បធម៌ និងវិចិត្រសិល្បៈ និងក្រសួងបរិស្ថានបានឲ្យដឹងថា ឆ្នាំនេះគឺជាឆ្នាំដំបូងដែលយើងបាននាំយកនូវព្រឹត្តិការណ៍ប្រកួតប្រជែងសម្រស់ថ្នាក់ថ្មីមួយមកកាន់ប្រទេសកម្ពុជា ។
គោលបំណងនៃការរៀបចំកម្មវិធីនេះធ្វើឡើងដើម្បីផ្សព្វផ្សាយអំពីសិល្បៈវប្បធម៌ ប្រពៃណីជាតិ បរិស្ថានធម្មជាតិ ទេសចរណ៍ និងលើកកម្ពស់ កិត្យានុភាព នៃព្រះរាជាណាចក្រកម្ពុជា នៅលើឆាកអន្តរជាតិតាមរយៈការផ្លាស់ប្តូរនូវបទពិសោធន៍ពីគ្នាទៅវិញទៅមករវាងបវរកញ្ញាឯកអន្តរជាតិប្រចាំប្រទេសនីមួយៗជាង៤០ក្នុងព្រឹត្តិការណ៍នេះ ។
ក្រៅពីវិស័យរដ្ឋ វិស័យឯកជន ក៏បានចូលរួមយ៉ាងសកម្ម ក្នុងការគាំទ្រថវិកា និងធនធានផ្សេងៗផង ហើយសង្ឃឹងថា កម្មវិធីបវរកញ្ញាឯកអន្តរជាតិឆ្នាំ២០១៩ (Miss planet International 2019)នេះ នឹងមានវត្តនៅឆ្នាំក្រោយៗទៀត ។
គួរបញ្ជាក់ផងដែរថាកញ្ញា រី ចំណានកល្យាណ គឺជាបេក្ខភាពតំណាងឲ្យប្រទេសកម្ពជា ក្រោយពីកញ្ញាបានជាប់ជ័យលាភីលេខ១ ក្នុងកម្មវិធីបវរកញ្ញាភពផែនដីកម្ពុជាឆ្នាំ២០១៩ (Miss planet International 2019) ។
កម្មវិធីបវរកញ្ញាភពផែនដី ឆ្នាំ២០១៩ (Miss planet International 2019) នឹងចាប់ផ្តើមប្រកួតប្រជែងពីថ្ងៃទី២៣ ខែកុម្ភៈ ឆ្នាំ២០១៩ តទៅ ហើយវគ្គផ្តាច់ព្រ័ត្រនឹងព្រព្រឹត្តទៅនាថ្ងៃ១ ខែមីនា ឆ្នាំ២០១៩ នៅសាលមហោស្រពកោះពេជ្រចាប់ពីម៉ោង៧យប់តទៅ ៕
ចែករំលែកព័តមាននេះ