ខេត្តកំពង់ឆ្នាំង ៖ សេចក្តីរាយការណ៍ឱ្យដឹងថា ខ្លោងទ្វារធំដែលជានិមិត្តសសញ្ញាឆ្នាំង សម្រាប់អបអរសាទរពិធីបុណ្យទន្លេ នៅមុខមន្ទីរពេទ្យបង្អែកខេត្ត ស្ថិតក្នុងក្រុងកំពង់ឆ្នាំង ត្រូវបានបាក់់ទាំងផ្ទាំង ខណៈក្រុមជាងកំពុងធ្វើការដំឡើងភ្លើង ក្នុងនោះក៏បណ្តាលឱ្យមានមនុស្សរងរបួសចំនួន៣នាក់ផងដែរ…
ខេត្តកំពង់ឆ្នាំង ៖ សេចក្តីរាយការណ៍ឱ្យដឹងថា ខ្លោងទ្វារធំដែលជានិមិត្តសសញ្ញាឆ្នាំង សម្រាប់អបអរសាទរពិធីបុណ្យទន្លេ នៅមុខមន្ទីរពេទ្យបង្អែកខេត្ត ស្ថិតក្នុងក្រុងកំពង់ឆ្នាំង ត្រូវបានបាក់់ទាំងផ្ទាំង ខណៈក្រុមជាងកំពុងធ្វើការដំឡើងភ្លើង ក្នុងនោះក៏បណ្តាលឱ្យមានមនុស្សរងរបួសចំនួន៣នាក់ផងដែរ ។
ហេតុការណ៍រន្ធត់នេះ កើតឡើងកាលពី៧ និង៣០នាទីព្រឹកថ្ងៃទី២៣ កុម្ភៈ នេះ ។ បើតាមប្រភពនៅកើតហេតុថា ដោយសារតែក្រុមបច្ចេកទេសដំឡើងខ្លោងទ្វារឡើងទៅខាងលើច្រើនគ្នាពេក ទើបធ្វើឱ្យជើងទម្រទប់លែងបាន ដោយមិនមែនបណ្តាលមកពីរថយន្តបើកកៀរ ឬបុកនោះឡើយ ។
ប្រភពបន្តថា ជនរងគ្រោះទាំង៣នាក់ខាងលើ ១-ឈ្មោះឡាយ ថាន់ ២-ឈ្មោះឆាយ សួន និង៣-ឈ្មោះ ជឿន លឿនជីម កំពុងត្រូវបានដឹកទៅសង្គ្រោះនៅមន្ទីរខេត្តភ្លាមៗផងដែរ។
ចែករំលែកព័តមាននេះ