ប្រទេសជប៉ុន ៖ ទីភ្នាក់ងារស្រាវជ្រាវអវកាសជប៉ុន JAXA ដែលគ្រប់គ្រងលើបេសកកម្ម នៃការបញ្ជូនយានរ៉ូបូមួយ ទៅកាន់អាចម៍ផ្កាយធំមួយគូសបញ្ជាក់ថា រ៉ូបូអវកាសHAYABUSA2 កាលពីព្រឹកថ្ងៃទី២២កុម្ភៈ អាចចុះក្នុងរយៈពេលខ្លី លើអាចម៍ផ្កាយRYUGU ជាមួយការប្រុងប្រយ័ត្នខ្លាំងបំផុត។
អ្នកនាំពាក្យម្នាក់របស់JAXAថ្លែងថា យើងត្រូវនៅវិភាគលើទិន្នន័យផ្សេងៗ ដែលយើងទទួលបានជាបន្តបន្ទាប់មុនពេលអះអាងបែបណាមួយ ប៉ុន្តែយើងគិតថានោះជាជោគជ័យមួយ។
អាចម៍ផ្កាយRYUGUស្ថិតនៅចម្ងាយប្រមាណជា៣៤០គីឡូម៉ែត្រពីផែនដី ដែលបង្ហាញថាគេត្រូវការពេលវេលាបន្ថែមទៀត មុនពេលបណ្ដាទិន្នន័យមកដល់ មជ្ឈមណ្ឌលត្រួតពិនិត្យបេសកកម្ម។ សន្និសីទសារព័ត៌មានមួយគ្រោងធ្វើនាពេលខាងមុខ ដើម្បីផ្ដល់ភាពលម្អិតលើប្រតិបត្តិការ។ ការចុះរបស់យានរ៉ូបូHAYABUSA2 ឆ្ពោះទៅអាចម៍ផ្កាយRYUGUចាប់ផ្ដើមនាថ្ងៃទី២១កុម្ភៈ វេលាម៉ោង១៣និង១៥នាទីម៉ោងក្នុងស្រុក ជាមួយការយឺតយ៉ាវជាងការគ្រោងទុក តែយានទីបំផុតបានមកដល់អាចម៍ផ្កាយនោះ។
ដូចការគ្រោងទុករ៉ូបូនោះ ប្រហែលជាចតនៅលើអាចម៍ផ្កាយRYUGUតែប៉ុន្មានវិនាទី។ បន្ទាប់មកទៀតគេត្រូវការពេលវេលាច្រើនថ្ងៃ ដើម្បីឲ្យប្រាកដថាយាននោះពិតជាបានប្រមូលបណ្ដាគំរូដីនៃអាចម៍ផ្កាយនេះ៕
ចែករំលែកព័តមាននេះ