រាជធានីភ្នំពេញ ៖ បុរសម្នាក់មិនស្គាល់អត្តសញ្ញាណបើកម៉ូតូមួយគ្រឿងក្នុងល្បឿនយ៉ាងលឿនមិនបានប្រយ័ត្នដោយបន្ថយល្បឿនអោយខាងរថយន្តសង្គ្រោះរបស់មន្ទីរពេទ្យកាល់ម៉ែតដឹកអ្នកជំងឺចូលក៏ជ្រុលបុកបណ្តាលអោយខូចខាតយ៉ាងដំណំ ហេតុការណ៍នេះបានកើតឡើងកាលពីវេលាម៉ោង10នឹង30នាទីយប់ ថ្ងៃទី២១ ខែកុម្ភៈ ឆ្នាំ២០១៩ តាមបណ្តោយផ្លូវព្រះមុនីវង្ស នៅចំណុចមុខមន្ទីរពេទ្យកាល់ម៉ែត ស្ថិតនៅក្នុងសង្កាត់ស្រះចក ខណ្ឌដូនពេញ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញរថយន្តសាម៉ុយរបស់មន្ទីរពេទ្យកាល់ម៉ែត ពណ៌ស ពាក់ផ្លាកលេខ ភ្នំពេញ រដ្ឋ១២ 2-0881បើកបរតាមបណ្តោយផ្លូវព្រះមុនីវង្សក្នុងទិសដៅពីត្បូងទៅជើង ។
ខណៈដែលបើកមកដល់ចំណុចកើតហេតុខាងលើនេះរថយន្តសាម៉ុយបត់ឆ្វេងដោយបើកសារ៉ែនក៏ស្រាប់តែមានម៉ូតូហុងដាឌ្រីម ពណ៌ខ្មៅ ស៊េរីឆ្នាំ2017 ពាក់ផ្លាកលេខ ព្រៃវែង 1I-0673 បើកបរតាមបណ្តោយផ្លូវព្រះមុនីវង្សក្នុងទិសដៅពីជើងទៅត្បូងក្នុងល្បឿនយ៉ាងលឿនអត់បានបន្ថយល្បឿននោះទេ ។
លុះពេលដែលរថយន្តសង្គ្រោះបត់ចូលក្នុងមន្ទីរពេទ្យកាលម៉ែតក៏ត្រូវរថយន្តសាម៉ុយអកហ្សើចាប់ហ្វ្រាំងមិនទាន់ក៏ជ្រុលបុកម៉ូតូចំពីមុខពេញទំហឹងបណ្តាលអោយរងរបួសធ្ងន់ដឹកយកមន្ទីរពេទ្យកាល់ម៉ែតកន្លែងសង្គ្រោះបន្ទាន់ រីឯម៉ូតូនៅក្រោមរថយន្តចំណែកឯរថយន្តសាម៉ុយវិញខូចខាតខ្ទេចមួយកំណាត់ខាងមុខ ។ ក្រោយពេលកើតហេតុខាងរថយន្តសាម៉ុយសុខចិត្តចេញថ្លៃខូចខាត និងថ្លៃព្យាបាលរបួសអោយខាងជនរងគ្រោះរងគ្រោះដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ