ADផ្ទាំងផ្សព្វផ្សាយពាណិជ្ជកម្ម

មិនដឹងជាប្រញាប់ទៅណា…២គ្រឿងពន្លះគ្នាខ្ទាតជាង២០ម៉ែត្រម្តុំស្ពាននាគកោះពេជ្រ

5 ឆ្នាំ មុន

ភ្នំពេញ
២២ ខែ កុម្ភៈ ឆ្នាំ ២០១៩ ម៉ោង ១៥:៣២

រាជធានីភ្នំពេញ ៖ រថយន្តដឹកទឹកកកអនាម័យមួយគ្រឿងបើកបរដោយយុវជនម្នាក់ ទំនងជាប្រញាប់ខ្លាំង ទើបបើកបោះពួយយ៉ាងលឿនទៅបុកជាមួយរថយន្តម៉ាកព្រូសកំពុងបើកបរចេញពីកោះពេជ្រ បណ្តាលឱ្យរថយន្តម៉ាកព្រូសក្រពិតមួយចំហៀងខាងឆ្វេងរងការខូចខាតយ៉ាងដំណំ ចំណែករថយន្តដឹកទឹកកកអនាម័យរងការខូចខាតផ្នែកខាងមុខ ។ ករណីគ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី២២ ខែកុម្ភៈ…

ករណីគ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី២២ ខែកុម្ភៈ ឆ្នាំ ២០១៩ នៅចំណុចផ្លូវបំបែកជា៤មុខក្បាលស្ពាននាគកោះពេជ្រ ក្នុងសង្កាត់ទន្លេបាសាក់ ខណ្ឌចំការមន។

រថយន្តមួយគ្រឿងម៉ាកព្រូស ពណ៌ទឹកប្រាក់ ពាក់ស្លាកលេខ ២AY-៨៤៧៩ បើកបរដោយបុរសម្នាក់មិនស្គាល់អត្តសញ្ញាណ ។ ចំណែករថយន្តដឹកទឹកកកអនាម័យ ពណ៌ស ពាក់ស្លាកលេខភ្នំពេញ ២B-៨៧៧២ បើកបរដោយយុវជនម្នាក់ មិនស្គាល់អត្តសញ្ញាណ ។

តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុ គេបានឃើញរថយន្តម៉ាកព្រូស បើកបរដោយបុរសម្នាក់ ធ្វើដំណើរក្នុងទិសដៅពីកើតទៅលិច ឆ្លងស្ពាននាគចេញពីទីក្រុងកោះពេជ្រ ។

ប្រភពដដែលបានបន្តថា ពេលដែលរថយន្តម៉ាកព្រូសបើកឆ្លងស្ពាននាគចេញមកផុតពីកោះពេជ្រ លុះមកដល់ចំណុចកើតហេតុខាងលើ ក៏ត្រូវបានរថយន្តដឹកទឹកកកអនាម័យមួយគ្រឿង បើកបរដោយយុវជនម្នាក់ បើកបរក្នុងទិសដៅពីត្បូងទៅជើងក្នុងល្បឿនយ៉ាងលឿន ទំនងជាប្រញាប់ដឹកទឹកកកយកទៅឱ្យម៉ូយផង ក៏បានទៅបុករថយន្តម៉ាកព្រូសចំពាក់កណ្តាល ពេញទំហឹង ខ្ទាតជាង១០ម៉ែត្រ បណ្តាលអោយរថយន្តម៉ាកព្រូសក្រពឹតផ្នែកខាងឆ្វេងមួយចំហៀងរងការខូចខាតយ៉ាងដំណំតែម្តង។ ចំណែករថយន្តដឹកទឹកកបានរងការខូចខាតផ្នែកខាងមុខ ។

ក្រោយពេលកើតហេតុ កម្លាំងសមត្ថកិច្ចមូលដ្ឋានក៏បានចុះមកដល់កន្លែងកើតហេតុខាងលើ ធ្វើការវាស់វែងរកខុសត្រូវ ហើយអោយភាគីទាំងសងខាងធ្វើការដោះស្រាយគ្នា ដោយភាគីខាងរថយន្តដឹកទឹកកកអនា
ម័យយល់ព្រមយករថយន្តម៉ាកព្រូសទៅធ្វើការជួសជុលដើម្បីបញ្ចប់រឿងនៅនឹងកន្លែងកើតហេតុភ្លាមៗផងដែរ ៕