ខេត្តមណ្ឌលគិរី ៖ ក្រោយបែកធ្លាយព័ត៌មាន អាជ្ញាធរស្រុកអូររាំង ឃុបឃិតជាមួយឈ្មួញ លួចលក់ដីចម្ការស្រល់រដ្ឋជាច្រើនហិកតាមន្ត្រីកសិកម្មខេត្តមណ្ឌលគិរីបានចុះទៅត្រួតពិនិត្យ ទីតាំងដីនោះនឹងបានរកឃើញអ្នកពាក់ព័ន្ធមួយចំនួន និងបានកំណត់អត្តសញ្ញាណផងដែរ ។
ប្រភពបានឲ្យដឹងថា ជុំវិញបញ្ហាទាក់ទងដោយការរំលោភកាន់កាប់ដោយខុសច្បាប់លើដីចម្ការស្រល់រដ្ឋ ដែលស្ថិតក្រោមការគ្រប់គ្រងជាទ្រព្យសម្បត្តិរដ្ឋ ដោយមន្ទីរកសិកម្មរុក្ខាប្រមាញ់ និងនេសាទខេត្តមណ្ឌលគិរី មានការពាក់ព័ន្ធដូចជា ចំណុចនិយាមការ ៧៣៧៥២៥-១៣៦៦១៤៥ ជាដីចម្ការស្រល់ដែលមានបាញ់ ថ្នាំក្រហមសម្គាល់ និងមានស្នាមទើបដកបង្គោលចេញវិញ ។ ដីនេះស្ថិតនៅក្នុងភូមិពូរាំង ឃុំសែនមនោរម្យ ស្រុកអូររាំង ។
ចំនុចនិយាមការ ៧៣៦៧៧៣ ១៣៦៦៣៥៩, ៧៣៦៨៨០ ១៣៦៦៤០៤ (ដីជាប់ផ្លូវជាតិ៧៦A) នឹងចំនុចនិយាមការ ៧៣៤១៨១ ១៣៦៥៣០៤, ៧៣៤២២១ ១៣៦៥៦៣៤, ៧៣៤៣១៦ ១៣៦៦៧៦៧ (ដីជាប់ផ្លូវលំ) ជាដីចម្ការស្រល់ដែលមានបោះបង្គោលជាច្រើនដើម។ ដីនេះស្ថិតនៅភូមិពូហ្សាម ឃុំសែនមនោរម្យ ស្រុកអូររាំងជាដី របស់កូនមន្ត្រីម្នាក់នៅភ្នំពេញ ។
ចំនុចនិយាមការ៧៣៥៧៨៦ ១៣៦៥៩២១ ជាដីមានក្បាល១០០ម៉ែត្រ បានឈូសឆាយរួច៧០ម៉ែត្រ ។ ដីនេះជារបស់លោក សៀក មុន្នី អភិបាលរងស្រុកអូររាំងជាម្ចាស់ទឹកដី ។
ចំនុចនិយាមការ ៧៣៤២៧៤ ១៣៦៤៨៣៧ ជាដីមានទំហំជាង៣ហិចតាជារបស់លោក នង ទុណ្ណារី អភិបាលស្រុកអូររាំង (ប្រភពពីលោក ញ៉ាង ម្យក់ នឹងលោកខាត់ សាក់) ស្ថិតនៅភូមិពូហ្សាម ឃុំសែនមនោរម្យ ស្រុកអូររាំង បាននិយាយចំៗឈ្មោះតែម្តង ។
ប្រធានភូមិបាលស្រុកអូររាំងក្នុងទំហំ២៥ហិកតា និងមានការបោះបង្គោលព្រំដីរួចជាស្រេច ។ ហើយលោក លឹម សុខខេង ក្រោយលក់ដីឲ្យកូនឯកឧត្តម ជា សុផារ៉ា គាត់ក៏នៅសេសសល់ដីចម្ការស្រល់ដែលជាកម្មសិទ្ធផ្ទាល់ខ្លួននៅជិតផ្នែករដ្ឋបាលព្រៃឈើអូរាំងជាច្រើនហិកតាផងដែរ ។
ព័ត៌មានពិស្តារមានផ្សាយជូននៅកាសែតកោះសន្តិភាព ។
ចែករំលែកព័តមាននេះ