ខេត្តបន្ទាយមានជ័យ ៖ ក្រុមចោរមានគ្នាប្រហែល៣នាក់បានធ្វើសកម្មភាពទៅទិញស្រាបៀរ១កេស រួចឲ្យលុយរាយទៅអ្នកលក់ ខណៈដែលជនរងគ្រោះរវល់រាប់លុយនោះ ស្រាប់តែចោរឆ្លៀតឱកាសចូលទៅក្នុងផ្ទះលួចលុយជិត២ម៉ឺនដុល្លារ រួចគេចខ្លួនបាត់ស្រមោលបង្កការភ្ញាក់ផ្អើលកាលពីម៉ោង១២និង២៤នាទីរសៀល ថ្ងៃទី២០ ខែកុម្ភៈ ស្ថិតក្នុងភូមិពង្រ…
ខេត្តបន្ទាយមានជ័យ ៖ ក្រុមចោរមានគ្នាប្រហែល៣នាក់បានធ្វើសកម្មភាពទៅទិញស្រាបៀរ១កេស រួចឲ្យលុយរាយទៅអ្នកលក់ ខណៈដែលជនរងគ្រោះរវល់រាប់លុយនោះ ស្រាប់តែចោរឆ្លៀតឱកាសចូលទៅក្នុងផ្ទះលួចលុយជិត២ម៉ឺនដុល្លារ រួចគេចខ្លួនបាត់ស្រមោលបង្កការភ្ញាក់ផ្អើលកាលពីម៉ោង១២និង២៤នាទីរសៀល ថ្ងៃទី២០ ខែកុម្ភៈ ស្ថិតក្នុងភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។
តាមការឲ្យដឹងពីលោកវរសេនីយ៍ត្រី ពៅ ខេមរា អធិការរងក្រុងសិរីសោភ័ណបានឲ្យដឹងថា ជនរងគ្រោះឈ្មោះ ឆែម សុទុម ភេទស្រី រស់នៅភូមិពង្រ សង្កាត់កំពង់ស្វាយ ក្រុងសិរីសោភ័ណ។
លោកអធិការបញ្ជាក់ថា តាមការរៀបរាប់ពីជនរងគ្រោះឲ្យដឹងថា ជនសង្ស័យមានគ្នាប្រហែល៣នាក់បានមកទិញស្រាបៀរ១កេស ហើយបានឲ្យលុយសុទ្ធតែរាយ។ ពេលគាត់កំពុងរាប់លុយនោះ ស្រាប់តែជនសង្ស័យបានលួចចូលទៅក្នុងផ្ទះរបស់គាត់ ហើយយកលុយក្នុងកាបូបដែលទុកក្នុងផ្ទះ រួចឡើងម៉ូតូជិះរត់ទៅបាត់។ ក្រោយមកគាត់ក៏បានមើលលុយក្នុងកាបូបបាត់លុយអស់១៥.០០០ដុល្លារ ស្រែកឆោឡោបង្កឲ្យមានការភ្ញាក់ផ្អើលតែម្តង ។
លោកអធិការរងបានប្រាប់ទៀតថា ទំនងជនសង្ស័យបានដឹងមុនថាជនរងគ្រោះបានដាក់លុយក្នុងកាបូប ទើបពួកវារៀបចំផែនការធ្វើសកម្មភាពបែបនេះ ។ បច្ចុប្បន្នសមត្ថកិច្ចកំពុងតែដុតដៃដុតជើងធ្វើការស្រាវជ្រាវរកមុខសញ្ញាជនសង្ស័យ ដើម្បីចាត់ការទៅតាមនីតិវិធី ។
ជុងមិនភ្លេចកុកទេ កុកទេច្រើនភ្លេចជុង ថ្ងៃណាមួយនឹងជាប់អន្ទាក់សមត្ថកិច្ចជាពុំខាន៕
ចែករំលែកព័តមាននេះ