តាមប្រភពMetroបានឱ្យដឹងថា ជនចាប់រំលោភមានអាយុ២៤ឆ្នាំម្នាក់ ធ្វើសកម្មភាពលើក្មេងស្រីអាយុ១៤ឆ្នាំ ដោយត្រូវបានចាប់ខ្លួនទាំងមិនមានស្លៀកខោ ។ ជនល្មើសឈ្មោះ Dmitry M បានរង់ចាំក្មេងស្រីអាយុ១៤ឆ្នាំ ជិះជណ្តើរប្រអប់នៅក្នុងអគារស្នាក់នៅ…
តាមប្រភពMetroបានឱ្យដឹងថា ជនចាប់រំលោភមានអាយុ២៤ឆ្នាំម្នាក់ ធ្វើសកម្មភាពលើក្មេងស្រីអាយុ១៤ឆ្នាំ ដោយត្រូវបានចាប់ខ្លួនទាំងមិនមានស្លៀកខោ ។ ជនល្មើសឈ្មោះ Dmitry M បានរង់ចាំក្មេងស្រីអាយុ១៤ឆ្នាំ ជិះជណ្តើរប្រអប់នៅក្នុងអគារស្នាក់នៅ ដោយដឹងច្បាស់ថា នាងនឹងចូលទៅក្នុងនោះ ដើម្បីទៅរៀនថ្នាក់នៅថ្ងៃចុងសប្តាហ៍ ។
ប៉ូលិសបានប្រាប់ថា ក្មេងស្រីរងគ្រោះខាងលើ ខណៈចូលទៅក្នុងជណ្តើរប្រអប់ជាន់ទី៩ មុនពេលបុរសម្នាក់នោះធ្វើសកម្មភាព ។ គ្រាន់តែទ្វារបិទភ្លាម បុរសដៃដល់បានចាប់នាងជាប់ ហើយវាយធ្វើបាបជាច្រើនដៃ មុនពេលចាប់រំលោភនាង ។ ពេលមកដល់ជាន់ក្រោម បុរសនោះក៏ចាប់នាងចេញមកក្រៅ ហើយវាយផ្ទប់នឹងដីឱ្យដេកដួល តែត្រូវបានបុរសម្នាក់នៅក្បែរនោះឃើញទាន់ ។ សកម្មភាពក៏បានអាក់ខាន ហើយបុរសនោះ បានរត់យករួចខ្លួនទាំងមិនមានស្លៀកខោ ។
ជនល្មើស Dmitry បានទុកខោលីអូ ស្បែកជើង និងស្រោមជើងនៅកន្លែងកើតហេតុ ។ ក្រោយពីបានចាប់ខ្លួន ពេលនេះជនសង្ស័យនឹងត្រូវឡើងតុលាការ ដែលអាចនឹងដាក់ទោសឱ្យជាប់ពន្ធនាគាររយៈពេលពី៨ ទៅ១៥ឆ្នាំ។ ដោយឡែក ក្មេងស្រីរងគ្រោះកំពុងទទួលការមើលថែពីសំណាក់គ្រួសារ និងការផ្តល់ប្រឹក្សាពីអ្នកជំនាញ ។
ចែករំលែកព័តមាននេះ