ញ្ចៀន ខ្សែក ខ្សែដៃ និងគ្រឿងអលង្ការដទៃទៀត រមែងលម្អបានតែក្នុងកាលដែលគេនៅមិនទាន់ប៉ះទោសៈចូលមកក្នុងអារម្មណ៍ តែបើពើបប្រទះនឹងពាក្យប្រមាថមើលងាយ ពាក្យអសុរោះណាមួយហើយខ្វះការអត់ធន់នោះ ប្រាកដជាសម្តែងអាការៈធ្វើមុខក្រញឹងខឹងក្រញូវគួរឱ្យស្អប់ គួរឱ្យខ្លាចភ្លាមមួយរំពេច ។…
ញ្ចៀន ខ្សែក ខ្សែដៃ និងគ្រឿងអលង្ការដទៃទៀត រមែងលម្អបានតែក្នុងកាលដែលគេនៅមិនទាន់ប៉ះទោសៈចូលមកក្នុងអារម្មណ៍ តែបើពើបប្រទះនឹងពាក្យប្រមាថមើលងាយ ពាក្យអសុរោះណាមួយហើយខ្វះការអត់ធន់នោះ ប្រាកដជាសម្តែងអាការៈធ្វើមុខក្រញឹងខឹងក្រញូវគួរឱ្យស្អប់ គួរឱ្យខ្លាចភ្លាមមួយរំពេច ។ កាលបើដូចនេះនរណាឡើយនឹងលើកតម្កើងថាជាមនុស្សល្អទៅកើត ព្រោះមុខបៀមកំហឹងក្រហមដូចភ្លើងយ៉ាងនេះ ។
ឯបណ្ឌិតទោះបីជាគ្មានគ្រឿងប្រដាប់ទាំងនោះមកតាក់តែងកាយ តែមានសេចក្តីអត់ធន់ សូម្បីជួបប្រទះនឹងពាក្យមើលងាយ ជេរ ប្រទេច ទ្រគោះបោះបោកមកលើយ៉ាងណាក៏មិនបានកើតអារម្មណ៍ខឹងតប ឬសម្តែងអាការៈគួរស្អប់ឱ្យប្រាកដឡើយ ត្រឡប់ជាមានមុខញញឹមប្រិមប្រិយយ៉ាងនេះ តើនរណាឡើយនឹងមិនសរសើរថា លោកជាអ្នកល្អ ជាអ្នកគួរឱ្យស្រឡាញ់នោះ ។
បុគ្គលដែលចេះអត់ធន់នឹងអាចនាំមកនូវប្រយោជន៍ និងសេចក្តីសុខគ្រប់យ៉ាង គឺអាចទាញមនុស្សជាសត្រូវឱ្យទៅជាមិត្តសម្លាញ់ អាចញុំាងចិត្តដែលក្តៅឱ្យទៅជាត្រជាក់ អ្នកប្រាថ្នាប្រយោជន៍បច្ចុប្បន្ន ឬអនាគត បើចេះអត់ធន់អាចធ្វើប្រយោជន៍នោះឱ្យជាប្រយោជន៍ ដ៏ធំបំផុតសម្រាប់ជីវិតបាន ។
ចែករំលែកព័តមាននេះ