ខេត្តស្វាងរៀង ៖ ដោយមើលឃើញពីគ្រោះថ្នាក់ចរាចរណ៍កើតឡើងជារៀងរាល់ថ្ងៃក្រសួងសាធារណៈការ និងដឹកជញ្ជូនបានចុះធ្វើការអប់រំផ្សព្វផ្សាយពីសុវត្ថិភាពគ្រោះថ្នាក់ចរាចរណ៍ដល់សិស្សានុសិស្សជាង១ពាន់នាក់នៅវិទ្យាល័យកំពង់ចក ។ លោកពា គីមវង ទីប្រឹក្សាបច្ចេកទេស និងអ្នកជំនាញផ្នែកសុវត្ថិភាពចរាចរណ៍ផ្លូវគោកនៅក្រសួងសាធារណការ និងដឹកជញ្ជូនបានឱ្យដឹងក្នុងពិធីផ្សព្វផ្សាយ…
ខេត្តស្វាងរៀង ៖ ដោយមើលឃើញពីគ្រោះថ្នាក់ចរាចរណ៍កើតឡើងជារៀងរាល់ថ្ងៃក្រសួងសាធារណៈការ និងដឹកជញ្ជូនបានចុះធ្វើការអប់រំផ្សព្វផ្សាយពីសុវត្ថិភាពគ្រោះថ្នាក់ចរាចរណ៍ដល់សិស្សានុសិស្សជាង១ពាន់នាក់នៅវិទ្យាល័យកំពង់ចក ។
លោកពា គីមវង ទីប្រឹក្សាបច្ចេកទេស និងអ្នកជំនាញផ្នែកសុវត្ថិភាពចរាចរណ៍ផ្លូវគោកនៅក្រសួងសាធារណការ និងដឹកជញ្ជូនបានឱ្យដឹងក្នុងពិធីផ្សព្វផ្សាយ កាលពីពេលថ្មីៗកន្លងមកនេះថា ក្រោមការយកចិត្តទុកដាក់ពីសំណាក់រាជរដ្ឋាភិបាលប្រទេសកម្ពុជាមានការរីកចម្រើន គ្រប់វិស័យ ហេដ្ឋារចនាសម្ព័ន្ធផ្លូវថ្នល់ត្រូវបានកែលម្អ ផ្លូវស្ពាន ជាច្រើនត្រូវបានកសាង ចំណូលប្រជាជាជនមានការកើនឡើង ដែលប្រជាជនមានម៉ូតូ រថយន្តប្រើប្រាស់គ្រប់គ្រួសារ។ លោកបន្តថា សិស្សានុសិស្សវិទ្យាល័យហ៊ុនសែនកំពង់ចកជាង១០០០នាក់ទទួលការអប់រំ និងផ្សព្វផ្សាយស្តីពីសុវត្ថិភាពចរាចរណ៍ផ្លូវគោកគ្រោះថ្នាក់ចរាចរណ៍ផ្លូវគោក ដោយមើលឃើញថា បានសម្លាប់មនុស្សជាច្រើននាក់ស្ទើរជារៀងរាល់ថ្ងៃ និងបន្សល់ទុកនូវសោកនាកដកម្មជាច្រើនដល់សង្គម និងសហគមន៍ ។
ចំណែកលោកសរ នៃអភិបាលរងនៃគណៈអភិបាលស្រុករំដួលបានលើកឡើងថា មានការការកត់សំគាល់ឃើញថា ក្រោយផ្លូវត្រូវបានស្ថាបនាចំនួនគ្រោះថ្នាក់ចរាចរណ៍មានការកើនឡើងគួរឱ្យកត់សំគាល់ ហើយភាគច្រើននៃគ្រោះថ្នាក់ចរាចរណ៍បានកើតឡើងចំពោះយុវជន និងមនុស្សចាស់ដែលរស់នៅតាមភូមិឃុំបណ្តោយផ្លូវជាតិលេខ១៣នេះតែម្តង ។ ឆ្លៀតក្នុងឱកាសនេះដែរ លោកក៏បានក្រើនរំលឹកពីការចូលរួមរបស់យុវជនក្នុងការចែករំលែកក្តីស្រលាញ់ដោយចូលរួមផ្សព្វផ្សាយដល់មិត្តភក្តិ និងអ្នកភូមិស្តីពីសុវត្ថិភាពចរាចរណ៍ផ្លូវគោក ដើម្បីចូលរួមកាត់បន្ថយគ្រោះថ្នាក់ចរាចរណ៍ផ្លូវគោកនៅកម្ពុជា ។
លោកពា គីមវង ក៏បានឱ្យដឹងថា បច្ចុប្បន្នគ្រោះថ្នាក់ចរាចរណ៍ផ្លូវគោកបានសម្លាប់មនុស្សជាមធ្យមពី៥ទៅ៦នាក់ក្នុងមួយថ្ងៃ ហើយក្នុងមួយឆ្នាំមានមនុស្សប្រមាណជិត២០០០នាក់បានស្លាប់បាត់បង់អាយុជីវិតដោយគ្រោះថ្នាក់ចរាចរណ៍នៅលើដងផ្លូវនៃព្រះរាជាណាចក្រកម្ពុជា៕
ចែករំលែកព័តមាននេះ