ប្រទេសវៀតណាម ៖ ខណៈសល់ពេលតែ១សប្ដាហ៍ទៀតដល់ការជួបគ្នាកំពូលលើកទី២ រវាងប្រធានាធិបតីអាមេរិក លោកដូណាល់ត្រាំ និងមេដឹកនាំកូរ៉េខាងជើងលោកគីមជុងអ៊ុននៅក្រុងហាណូយ វៀតណាមបានឆ្លៀតឱកាសនោះធ្វើឲ្យមានការទាក់ទាញ ដោយពលរដ្ឋរបស់គេទទួល ការកាត់សក់ដូចម៉ូដសក់លោកគីមនិងម៉ូដសក់លោកត្រាំដោយមិនគិតលុយ ព្រមទាំងគូរនិងដាក់តាំងផ្ទាំងរូបរបស់មេដឹកនាំទាំង២រូបទៀតផង។
ជាងកាត់សក់ម្នាក់នៅក្រុងហាណូយអះអាងប្រាប់សារព័ត៌មានថា រយៈពេល៣ថ្ងៃចុងក្រោយនេះ ហាងខ្ញុំកាត់សក់ម៉ូដសក់លោកគីម ឲ្យដល់មនុស្ស២០០នាក់ ទល់នឹង៥នាក់ប៉ុណ្ណោះដែលកាត់ម៉ូដសក់លោកត្រាំ។
មេដឹកនាំកូរ៉េខាងជើងត្រូវមកបំពេញទស្សនកិច្ចលើកដំបូងនៅវៀតណាម ដើម្បីចូលរួមក្នុងការជួបគ្នាកំពូលលើកទី២ ជាមួយប្រធានាធិបតីអាមេរិកលោកដូណាល់ត្រាំ ពីថ្ងៃទី២៧ទៅ២៨កុម្ភៈ។ ជាងកាត់សក់ក្រុងហាណូយម្នាក់ទៀតនិយាយថា ខ្ញុំកាត់ម៉ូដសក់ទាំងនេះដល់ម៉ូយដោយឥតគិតថ្លៃព្រោះការជួបគ្នាកំពូលនោះធ្វើឲ្យខ្ញុំមានក្ដីរីករាយពេញចិត្ត។
ចំណែកក្នុងចំណោមមនុស្សមកកាត់សក់ មានតារាចម្រៀងម្នាក់ លោកTRINH THE PHONGអះអាងថា ខ្ញុំសរសេើរលោកគីមទើបខ្ញុំសម្រេចដូរម៉ូដសក់ យកម៉ូដសក់របស់លោក។ ចំណែកតារាចម្រៀងម្នាក់ទៀតលោកVUONG BAO NAM បានលាបសក់ដូចពណ៌សក់លោកដូណាល់ត្រាំ។
លោកថាត្រាំជាមនុស្សដ៏ប្រសើរបំផុត ហេតុនេះបានជាខ្ញុំជ្រើសយកម៉ូដនិងលាបពណ៌សក់ដូចសក់របស់លោក។ ចំណែកឯអ្នកគូររូបវៀតណាមម្នាក់ បានគូររូបរបស់ប្រធានាធិបតី អាមេរិកនិងរូបមេដឹកនាំកូរ៉េខាងជើង។
លោកត្រាំមិនបដិសេធការសម្រាលទណ្ឌកម្ម មុនការជួបគ្នាកំពូល លោកត្រាំកាលពីថ្ងៃទី២០កុម្ភៈ ពុំបដិសេធឡើយការសម្រាលទណ្ឌកម្មប្រឆាំងកូរ់េខាងជើង ប្រសិនបើការជួបគ្នានោះទទួលបានអ្វីដែលល្អលើបញ្ហារំសាយនុយក្លេអ៊ែរនៅឧបទ្វីបកូរ៉េ។
ប្រធានាធិបតីអាមេរិកដែលថ្លែងទៅកាន់សារព័ត៌មាននៅសេតវិមាន ចង់បានម្យ៉ាងទៀត ឲ្យការជួបគ្នាថ្មីមួយ កើតមានក្រោយការជួបគ្នាលើកទី២នោះ។ លោកបន្តថាបណ្ដាទណ្ឌកម្មត្រូវបានអនុវត្តទាំងស្រុង។ ខ្ញុំមិនទាន់លុបចោលទេ។ ខ្ញុំចង់ធ្វើ តែមុនការសម្រាលយើងត្រូវឲ្យទទួលបានអ្វិដែលកក់ក្ដៅជាមុនសិនជាថ្នូរគ្នា។ ខ្ញុំគិតថានឹងមានអ្វិកើតឡើង។ លោកនៅតែបញ្ជាក់ថា លោកមានទំនាក់ទំនងល្អជាមួយលោកគីមជុងអ៊ុន៕
ចែករំលែកព័តមាននេះ