រាជធានីភ្នំពេញ៖ពេល មុនៗនាយអ៊ែនឌីតែងតែធ្វើឲ្យ បុរសៗច្រណែននឹងការបានស្រីស្អាតឱបស្និទ្ធ ទាំងបែបរោលរាលនៅលើគ្រែផង ។ ពេលនេះអ៊ែនឌី បានស្រីស្អាតម្នាក់ទៀតហើយមកឱបពេញរង្វង់ដៃ ។ នាងគឺកញ្ញាអៀ ម៉េងលិ…
រាជធានីភ្នំពេញ៖ពេល មុនៗនាយអ៊ែនឌីតែងតែធ្វើឲ្យ បុរសៗច្រណែននឹងការបានស្រីស្អាតឱបស្និទ្ធ ទាំងបែបរោលរាលនៅលើគ្រែផង ។ ពេលនេះអ៊ែនឌី បានស្រីស្អាតម្នាក់ទៀតហើយមកឱបពេញរង្វង់ដៃ ។ នាងគឺកញ្ញាអៀ ម៉េងលិ ហៅអូនម៉ីម៉ី អតីតសង្សារនាយចឺម ។
អ៊ែនឌី ពេញភ្នែកចំពោះសម្រស់របស់អូនម៉ីម៉ី ដូច្នេះហើយព្យាយាមទាក់ទងទាល់តែបានកាយស្រីស្អាតរូបនេះមកឱបរឹតក្នុងរង្វង់ដៃ ។ ចូលដល់ឆ្នាំ២០១៩ នេះ លោកអ៊ែនឌី ងាកមកប្តូរដៃគូថ្មី ដោយជ្រើសយកស្រីស្អាតអៀ ម៉េងលិ ហៅអូនម៉ីម៉ី ម្តងវិញ ។ ទំនងរអានឹងការថតបែបសិចស៊ីរោលរាលរងនូវការរិះគន់ខ្លាំងពីមហាជន ពេលនេះអ៊ែនឌី ថតជាមួយអូនម៉ីម៉ី បែបស្រគត់ស្រគំវិញម្តង ។
តារាសម្តែងស្រីម៉ីម៉ី ត្រូវលោកអ៊ែនឌី ប្រុសស្អាតសាច់សបបួលហៅចូលរួមសម្តែងជាតួអង្គក្នុងបទចម្រៀងថ្មី ។ នេះគឺការថត MV បទចម្រៀងមរតកដើមយកធ្វើជា Cover ឡើងវិញ គឺបទ«ចិត្តនៅតែគិតប្រាថ្នា» និងបទ«ខំលួចស្រលាញ់អូន»ក្រោមការផ្ចិតផ្ចង់របស់លោកអ៊ែនឌី ។
តារាសម្តែងម៉ីម៉ី បាត់មុខពីពិភពសិល្បៈមួយរយៈងាកទៅប្រកបមុខរបររកស៊ីជួញអង្ករ ដូច្នេះហើយមិនសូវមានពេលចូលរួមសម្តែង ។ ពេលនេះលោកអ៊ែនឌី បានចូលទៅចែចូវធ្វើឲ្យស្រីស្អាតម៉ីម៉ីយល់ព្រមថតចម្រៀងជាមួយដែលមានចំណងជើងថា«ខំលួចស្រឡាញ់អូន»និងបទ«ចិត្តនៅតែគិតប្រាថ្នា»ដោយគ្រោងចេញMVបានចេញផ្សាយលើបណ្តាញសង្គមប៉ុន្មានថ្ងៃនេះ ។
មានការកត់សម្គាល់ឃើញថាម៉ីម៉ី ក្រោយពេលល្បីមកសាច់ឈាមវិញស្រស់ថ្លាស្អាត ។ ការចាប់ដៃគូសម្តែងជាមួយលោកអ៊ែនឌីពិតជាមានរសជាតិថ្មីដោយគេមិននឹកថាលោកសម្រេចជ្រើសរើសនាងថតបាននោះទេ ។
ប្រុសៗជាច្រើនច្រណែនលោកអ៊ែនឌីមិនស្ទើរទេព្រោះលោកមានសំណាងខ្ពស់ជាងគេក្នុងចំណោមតួប្រុស ។ មានតែអ៊ែនឌីម្នាក់គត់ដែលមានឱកាសថតអោបកៀកកិតជិតកាយតារាស្រី ស្អាតៗ ល្បីឈ្មោះក្នុងស្ទីល ប្លែកៗ ។ ពិសេសការថតឈុតសិចស៊ីរោលរាល ។ លោកអ៊ែនឌីនៅមិនទាន់រកគូអនាគតឃើញនៅឡើយទ ដោយមិនដឹងថាលោកសម្រេចចិត្តបិទបេះដូងនៅលីវឆ្នាំណាទេ ។
លោកអ៊ែនឌី និយាយកាលពីពេល ថ្មីៗកន្លងមកថា «ខ្ញុំស្រលាញ់បទចម្រៀងអធិរាជសំឡេងមាសលោកតាស៊ីន ស៊ីសាមុត ខ្លាំងណាស់ ហេតុនេះហើយ បានជាធ្វើឡើងវិញដោយខ្លួនឯងនឹងចេញតាម Page ផ្ទាល់ខ្លួន និងលើ Youtube។ ចំពោះការជ្រើសរើស អូនម៉ីម៉ី មកបីត្រកងនេះព្រោះម៉ីម៉ី មិនត្រឹមតែមានរូបសម្រស់គួរឱ្យគយគន់មិនចេះជិនណាយទេ តែទេពកោសល្យសម្តែងសិល្បៈក៏ល្អដែរ លេងបុរាណក៏បាន សម័យក៏បាន ទើបខ្ញុំមិនចាំបាច់គិតយូរ គឺត្រូវតែហៅអូនម៉ីម៉ី ថតសម្តែងជាដៃគូក្នុងឆ្នាំថ្មីនេះតែម្តង ។ ខ្ញុំនឹងព្យាយាមគាស់រំលេចបទចម្រៀងបែបពីដើមឲ្យបានច្រើនបង្ហាញដើម្បីថែរក្សាមរតកចម្រៀងពីមុន»៕
ចែករំលែកព័តមាននេះ