រាជធានីភ្នំពេញ ៖ បន្ទាប់ពីកោះសន្តិភាពចុះផ្សាយអត្ថបទមួយមានចំណងជើងថា «ព្រីង ច័ន្ទបុត្រ សម្តែងក្តីអាឡោះអាល័យក្រោយលែងលះភរិយា» រួចមក តារាសម្តែងដែលស្ទើរតែបាត់មុខពីសង្គមសិល្បៈ លោកព្រីង ច័ន្ទបុត្រ បានបកស្រាយចំពោះសារដែលលោកសរសេរនៅក្នុងគណនេយ្យហ្វេសប៊ុកនោះថា មិនមែនមានន័យថា «លោកនៅអាឡោះអាល័យស្នេហ៍ចាស់នោះឡើយ» ។
រាជធានីភ្នំពេញ ៖ បន្ទាប់ពីកោះសន្តិភាពចុះផ្សាយអត្ថបទមួយមានចំណងជើងថា «ព្រីង ច័ន្ទបុត្រ សម្តែងក្តីអាឡោះអាល័យក្រោយលែងលះភរិយា» រួចមក តារាសម្តែងដែលស្ទើរតែបាត់មុខពីសង្គមសិល្បៈ លោកព្រីង ច័ន្ទបុត្រ បានបកស្រាយចំពោះសារដែលលោកសរសេរនៅក្នុងគណនេយ្យហ្វេសប៊ុកនោះថា មិនមែនមានន័យថា «លោកនៅអាឡោះអាល័យស្នេហ៍ចាស់នោះឡើយ» ។
តារាសម្តែងរូបនេះបានសរសេរបកស្រាយអំពីបញ្ហានោះនៅក្នុងគណនេយ្យហ្វេសប៊ុករបស់លោក កាលពីថ្ងៃទី២ កញ្ញា ឆ្នាំ២០១៣ ដោយបញ្ជាក់ពីការហួសចិត្តនូវការចុះផ្សាយនោះ និងបកស្រាយថា «ខ្លឹមសារដែលលោកសរសេរនោះមិនមែនជាការអាឡោះអាល័យស្នេហ៍ចាស់ឡើយ» ។
លោកព្រីង ច័ន្ទបុត្រ ហៅចេក បានសរសេរថា «ខ្ញុំមានការភ្ញាក់ផ្អើលនៅពេលបានឃើញសារព័ត៌មានកោះសន្តិភាពចុះផ្សាយព័ត៌មាននេះ។ ខ្ញុំសូមបញ្ជាក់ថា រឿងខ្ញុំពីមុនបានដាច់ស្រេច និងចប់ក្លាយទៅជាអតីតកាលអស់ទៅហើយ មិនគួរយកវាមកនិយាយទៀតទេ ។ ចំពោះសារមួយឃ្លាដែលខ្ញុំបានសរសេរនៅលើទំព័រហ្វេសប៊ុកថា «ទីនេះជាកន្លែងជួប ហើយក៏ជាកន្លែងបែក បងនឹកអូន នឹករហូត» នោះខ្ញុំចង់បញ្ជាក់ថា ជាកន្លែងដែលខ្ញុំ និងមិត្តដ៏ល្អរបស់ខ្ញុំបានញ៉ាំអីជាមួយគ្នា បន្ទាប់មកខ្ញុំក៏នាំគាត់ឡើងយន្តហោះ។ ស្របពេលដែលគាត់ធ្វើដំណើរ ខ្ញុំក៏សរសេរពាក្យនេះដើម្បីគាត់ តែធ្វើឱ្យមានការយល់ច្រឡំថា ខ្ញុំនៅអាឡោះអាល័យរឿងចាស់ទៅវិញ ហើយសម្រាប់ពេលនេះខ្ញុំក៏មានសេ្នហាថ្មីហើយដែរ ។ អុីចឹងសូមកុំយល់ច្រឡំតទៅទៀត ព្រោះចំណងស្នេហាថ្មីរបស់ខ្ញុំកំពុងតែចាប់ផ្តើម រាល់អំពើគ្រប់យ៉ាងដែលខ្ញុំធ្វើពេលនេះ គឺធ្វើចំពោះគាត់តែម្នាក់គត់ ក៏ដូចជាសារនៅក្នុងហ្វេសប៊ុកផងដែរ» ។
ទោះជាយ៉ាងណាក្តី ការបកស្រាយរបស់លោកព្រីង ច័ន្ទបុត្រ នេះ ទំនងជាចង់ពង្វាងការយល់ឃើញរបស់មហាជនថា លោកនៅមិនទាន់ដាច់អាល័យស្នេហ៍ចាស់នៅឡើយទេ បន្ទាប់ពីលោកបែកបាក់ភរិយាដែលជាអ្នកមានទ្រព្យសម្បត្តិស្តុកស្តម្ភនោះ ។
ជាការកត់សម្គាល់ សារដែលលោកព្រីង ច័ន្ទបុត្រ សរសេរនោះ ក៏ត្រូវមិត្តភក្តិរបស់លោកមួយចំនួននាំគ្នាបញ្ចេញជាយោបល់នៅពីក្រោមសារនោះផងដែរ ហើយមានការសរសេរចំនួន២ដែលគួរឱ្យចាប់អារម្មណ៍ ក្នុងនោះមានមិត្តភក្តិរបស់តារារូបនេះម្នាក់បានសរសេរថា ស្នាមញញឹមបងគ្រាន់តែបន្លប់ទេ និងម្នាក់ទៀតបានសរសេរថា ហេតុអ្វីបានទៅជាបែបនេះបង កាលពីមុនមើលទៅដូចជាមានសុភមង្គលខ្លាំងណាស់ ។ ទាំងនេះបញ្ជាក់ថា សម្រាប់អ្នកដែលបានស្គាល់លោក សុទ្ធតែយល់អំពីភាពសោកសៅ និងការអាឡោះអាល័យស្នេហ៍ចាស់ ដែលស្ថិតនៅក្នុងដួងចិត្តរបស់លោកនៅឡើយ ដោយមិនទាន់អាចកាត់ផ្តាច់បានទាំងស្រុងទេ បើទោះជាពេលនេះលោកអះអាងថា រកឃើញស្នេហ៍ថ្មីហើយក៏ដោយ ។
មានការលើកឡើងថា ក្រោយបែកបាក់ភរិយារួចមក លោកព្រីង ច័ន្ទបុត្រ ហៅនាយចេក ត្រូវគេមើលឃើញថា ដើរតាមគន្លងចាស់របស់ពិធីករលោកអុឹង រដ្ឋា ហៅនាយទុយ ព្រោះបានប្រពន្ធជាអ្នកមានទ្រព្យ តែបែកគ្នាលឿនដូចផ្លេកបន្ទោរ ។
ដោយឡែកកន្លងមក តារាសម្តែងលោកព្រីង ច័ន្ទបុត្រ បានបរាជ័យរឿងស្នេហាជាច្រើនលើកច្រើនសាមកហើយ មានការបែកបាក់ស្នេហ៍ជាមួយនារីនៅអាមេរិក និងក្រោយមកគេល្បីថា បែកបាក់ស្នេហ៍ជាមួយស្រីស្អាត ហុិន ច័ន្ទនិរ័ត្ន តែខាងស្រីមិនទទួលស្គាល់ ។ ឥឡូវក្រោយបញ្ចប់ស្នេហ៍អ្នកមេម៉ាយកូន៣កណ្តាលទី ស្រាប់តែរកបានស្រីស្រស់ម្នាក់ទៀត ដែលតារារូបនេះអះអាងប្រាប់ទស្សនាវដ្តីក្នុងស្រុកមួយថា នារីម្នាក់នោះជាប្រធានក្រុមហ៊ុនមួយនៅខេត្តសៀមរាប ។ ទោះជាយ៉ាងណាក្តី គេនឹងរង់ចាំមើលថា ចំណងស្នេហ៍ចុងក្រោយរបស់នាយចេក តើអាចសមប្រកបដែរឬទេ ៕
ចែករំលែកព័តមាននេះ