រាជធានីភ្នំពេញ ៖ ពិធីដង្ហែអ្នកតាដែលជាប្រពៃណីរបស់បងប្អូនជនជាតិចិន ធ្វើឡើងនៅតាមបណ្តោយផ្លូវជាតិលេខ២ ចាប់ពីចំណុចលើស្ពានអាកាសក្បាលថ្នល់ ទៅកាន់រង្វង់មូលព្រះនរាហ៍ នារសៀលថ្ងៃទី២១ កុម្ភៈ នេះ ដោយបានបង្កការកកស្ទះចរាចរណ៍យ៉ាងណែនណាន់តាន់តាប់តែម្តង…
រាជធានីភ្នំពេញ ៖ ពិធីដង្ហែអ្នកតាដែលជាប្រពៃណីរបស់បងប្អូនជនជាតិចិន ធ្វើឡើងនៅតាមបណ្តោយផ្លូវជាតិលេខ២ ចាប់ពីចំណុចលើស្ពានអាកាសក្បាលថ្នល់ ទៅកាន់រង្វង់មូលព្រះនរាហ៍ នារសៀលថ្ងៃទី២១ កុម្ភៈ នេះ ដោយបានបង្កការកកស្ទះចរាចរណ៍យ៉ាងណែនណាន់តាន់តាប់តែម្តង ។ ប៉ុន្តែទោះបីជាយ៉ាងណា គិតត្រឹមម៉ោងជាង៣រសៀលថ្ងៃដដែល ការកកស្ទះត្រូវបានថមថយទៅវិញ ដោយសាររថយន្តអ្នកតាបានបើកចេញផុតម្តងមួយៗ ដែលអាចឱ្យធ្វើចរាចរណ៍បាន ។
ការដង្ហែអ្នកតាគឺឃើញមនុស្សដែលត្រូវអ្នកតាចូលកាន់សណ្ឋិតខ្លួន មានស្លៀកពាក់ប្លែកៗពីមនុស្សធម្មតា គឺស្លៀកបែបស្តេចចិន ។ ហើយអ្នកតាម្នាក់ៗគឺមានកាន់ដំបង, កាំបិតប៉័ងតោ និងវត្ថុផ្សេងក្នុងដៃ ដោយមានបញ្ចេញកាយវិការ និងមហិទ្ធប្ញទ្ធិដ៏អស្ចារ្យបំផុត ។ បានឃើញទៀតនោះ គឺមានបងប្អូនខ្មែរដែលមានកាត់ចិន គឺរៀបចំតុនិងអុជទៀនធូបនៅមុខហាង ឬផ្ទះ ដើម្បីសុំឱ្យអ្នកតាដើរចូលមកប្រោះព្រំ សុំសេចក្តីសុខ ចម្រុងចម្រើន និងរកស៊ីទទួលទានមានបាននៅក្នុងក្រុមគ្រួសាររបស់ពួកគេ ដែលមានជំនឿលើអ្នកតានេះ ។
គួរបញ្ជាក់ថា ពិធីដង្ហែអ្នកតា គឺមានធ្វើឡើងជារៀងរាល់ឆ្នាំ ។ ជាក់ស្តែង គឺផ្តើមធ្វើនៅថ្ងៃទី២០ កុម្ភៈ ម្សិលមិញ ដោយបានហែបណ្តាយផ្លូវលេខ៣៦៩(ហៅផ្លូវព្រែកប្រា) ក្នុងសង្កាត់ច្បារអំពៅទី១ ច្បារអំពៅទី២ ខណ្ឌច្បារអំពៅ ។ ហើយការដង្ហែនារសៀលថ្ងៃនេះ គឺជាថ្ងៃទី២ ។
ចែករំលែកព័តមាននេះ