រាជធានីភ្នំពេញ ៖ ប្រជាពលរដ្ឋភាគច្រើនបានពាក់មួកសុវត្ថិភាព ដើម្បីបង្ការគ្រោះថ្នាក់ធ្ងន់ធ្ងរក្បាលនៅពេលជួបគ្រោះថ្នាក់ចរាចរណ៍ ប៉ុន្តែបើសិនជាមានឧប្បត្តិហេតុកើតទ្បើង អ្នករងគ្រោះអាចសន្លប់ភាគច្រើន ហើយយើងតែងតែសង្កេតឃើញអ្នកដំណើរតែងជួយយកអាសាជនរងគ្រោះដូចជា ដោះមួកសុវត្ថិភាពចេញពីក្បាល និងលើកជនរងគ្រោះដាក់នៅចិញ្ចើមផ្លូវជាដើម ។
រាជធានីភ្នំពេញ ៖ ប្រជាពលរដ្ឋភាគច្រើនបានពាក់មួកសុវត្ថិភាព ដើម្បីបង្ការគ្រោះថ្នាក់ធ្ងន់ធ្ងរក្បាលនៅពេលជួបគ្រោះថ្នាក់ចរាចរណ៍ ប៉ុន្តែបើសិនជាមានឧប្បត្តិហេតុកើតទ្បើង អ្នករងគ្រោះអាចសន្លប់ភាគច្រើន ហើយយើងតែងតែសង្កេតឃើញអ្នកដំណើរតែងជួយយកអាសាជនរងគ្រោះដូចជា ដោះមួកសុវត្ថិភាពចេញពីក្បាល និងលើកជនរងគ្រោះដាក់នៅចិញ្ចើមផ្លូវជាដើម ។
ប៉ុន្តែអ្វីដែលជាបញ្ហានៅពេលមានគ្រោះថ្នាក់កើតទ្បើង លោកអ្នកមិនបានដឹងថាតើជនរងគ្រោះមានភ្លាត់ឬបាក់ឆ្អឹងកង.កទេ? ដូចនេះការដោះមួក និងការលើកដាក់អ្នកជំងឺ ដោយមិនត្រឹមត្រូវតាមបច្ចេកទេសនឹងធ្វើឱ្យអ្នករងគ្រោះកាន់តែធ្ងន់ធ្ងរថែមទៀត ជាពិសេសអាចពាក់ព័ន្ធទៅលើឆ្អឹងកង.ករបស់អ្នករងគ្រោះតែម្តង ។
លោកវេជ្ជបណ្ឌិត ស៊ិក ធីរៈ ឯកទេសជំងឺសន្លាក់ និងវះកាត់ឆ្អឹងបាក់បែក នៃគ្លីនិកឯកទេសឆ្អឹងសំណង់១២ បានប្រាប់កោះសន្តិភាពថា ជាការពិតណាស់ បើសិនជាមានឧប្បត្តិហេតុកើតឡើង ហើយអ្នកដែលបានជួយជនរងគ្រោះ ដោះមួកសុវត្ថិភាពមិនបានត្រឹមត្រូវ នឹងបណ្តាលឲ្យជនរងគ្រោះកាន់តែធ្ងន់ធ្ងរ ដែលអាចធ្វើឲ្យភ្លាត់ឬបាក់ឆ្អឹងកង.កជាដើម ដូច្នេះដើម្បីចៀសវាងនូវបញ្ហាទាំងនេះ លោកអ្នកគួរតែអនុវត្តទៅតាមវិធីសាស្រ្តខាងក្រោម៖
១-លោក ក កាន់គែមក្រោមរបស់មួកនិងចង្កាហើយទាញថ្នមៗតាមបណ្តោយកញ្ចឹងករបស់ជនរងគ្រោះឱ្យត្រង់ ។
២-លោក ខ ជួយដោះខ្សែមួកសុវត្ថិភាពតែអ្នកទាញលំនឹងឆ្អឹងក.ត្រូវរក្សាដដែល ។
៣-លោក ខ ដែលដោះខ្សែមួកនោះជួយទប់ទ្រ ក.ជនរងគ្រោះដោយដៃម្ខាងហើយដៃម្ខាងទៀតទប់ថ្គាមផ្នែកខាងក្រោម និងរុញឱ្យកនៅរក្សាភាពត្រង់ដដែល ។
៤-លោក ក ជាអ្នកដោះមួកសុវត្ថិភាពចេញដោយថ្នមៗមិនឱ្យរង្គើក្បាលឬឆ្អឹងកខ្លាំងនោះទេ។ លោកអ្នកអាចដោះដោយហែកគែមមួកបន្តិចដើម្បីកុំឱ្យកៀបត្រចៀកជនរងគ្រោះ ។ ដើម្បីសម្រួលការដោះមួកចេញ លោក ខ អាចជួយបង្ហើបក្បាល និងកញ្ចឹងកជនរងគ្រោះបន្តិចតែកុំភ្លេចរក្សាការទប់ក្បាល និងកដដែល ។
៥-អំទ្បុងពេលនេះ លោក ខ ត្រូវរក្សាលំនឹងក និងក្បាលជនរងគ្រោះអោយនឹង ។
៦-លោក ក ទទួលការទប់ និងទាញពីលោក ខ ដោយយកដៃទាំងពីរទៅទប់គល់ចង្កានិងក្បាល ។
៧-បន្តការទាញ ទប់ក្បាលនិងកឱ្យជាប់ រហូតទាល់តែអ្នកអាចដកមួកចេញពីក្បាលជនរងគ្រោះដោយសុវត្ថិភាព ៕
ចែករំលែកព័តមាននេះ