ខេត្តមណ្ឌលគីរី ៖ ទីតាំងលេងល្បែងក្នុងព្រៃចំការស្រល់មួយកន្លែង កំពុងបើកឲ្យជនជាតិខ្មែរចូលលេងសេរីជារៀងរាល់ថ្ងៃ តាំងពីដើមខែកុម្ភៈ ឆ្នាំ២០១៩ ដោយបើកលេងល្បែងជាច្រើនមុខជ្រកក្រោមស្លាកកាស៊ីណូ ដែលមានទីតាំងនៅភូមិពូត្រែង ឃុំដាក់ដាំ ស្រុកអូររាំង ខេត្តមណ្ឌលគិរី។
គេសង្កេតឃើញថា ពលរដ្ឋខ្មែររាប់រយនាក់បានសម្រុកទៅលេងល្បែងនៅក្នុងកាស៊ីណូមួយនេះ ដែលស្ទើរតែគ្មានវត្តមានជនបរទេសសូម្បីម្នាក់។ មិនត្រឹមតែប៉ុណ្ណោះបនល្បែងនេះ បានបើកដំណើរការនៅជិតភូមិឋានប្រជាពលរដ្ឋ ដែលនៅឆ្ងាយពីព្រំដែន ទោះបីច្បាប់មិនអនុញ្ញាតឲ្យមានការលេងល្បែងភ្នាល់នៅក្នុងស្រុក តែបនល្បែងនេះ បែរជាអាចបើកលេងយ៉ាងរំភើយទៅវិញ។
យោងទៅតាមលិខិតរបស់ទីស្តីការគណៈរដ្ឋមន្ត្រី លេខ.១៧៧៤សជណ ដែលចុះកាលពីថ្ងៃទី៣១ ខែធ្នូ ឆ្នាំ២០១៤ ករណីសំណើសុំអនុញ្ញាតជាគោលការណ៍សាងសង់មជ្ឈមណ្ឌលកម្សាន្ត ឈ្មោះ Resor Of Mondulkiri Entertailnment Co.,Ltd រួមមានសណ្ឋាគារខ្នាតអន្តរជាតិ ហាងលក់ទំនិញរួចពន្ធ ភោជនីយដ្ឋាន មជ្ឈមណ្ឌលកម្សាន្តនានា រង្គសាលទាន់សម័យ ហាងម៉ាស្សា ខារ៉ាអូខេ កីឡាវាយកូនហ្គោល បក្សីកីឡា ប្រណាំងសេះ/ឆ្កែ ឆ្នោតផ្សងសំណាង ល្បែងអនឡាញតាមប្រព័ន្ធអីុនធើណេត ម៉ាស៊ីនអេឡិចត្រូនិច គ្រប់ប្រភេទតាមប្រព័ន្ធអីុនធើណេត ក្នុងនិងក្រៅប្រទេស កីឡាភ្នាល់គ្រប់ប្រភេទ និងក្លឹបកំសាន្តគ្រប់ប្រភេ ទគឺមានលក្ខណៈអចិន្ត្រៃយ៍ដែលរដ្ឋទទួលស្គាល់មានទីតាំងស្ថិតនៅច្រកព្រំដែនដាក់ដាំក្នុងឃុំដាក់ដាំ ស្រុកអូររាំង ខេត្តមណ្ឌលគិរី ព្រំប្រទល់កម្ពុជា-វៀតណាម តែគេបែរជាឃើញសង់រោងមួយលេងល្បែងបញ្ជល់មាន់យ៉ាងអនាធិបតេយ្យទៅវិញ ។
ព័ត៌មានពិស្តារនឹងមានផ្សាយនៅកាសែតកោះសន្តិភាព
ចែករំលែកព័តមាននេះ