រាជធានីភ្នំពេញ ៖ និស្សិតម្នាក់ត្រូវបានឪពុកខាងស្រីប្តឹងនគរបាល ហើយឃាត់ខ្លួនកាលពីវេលាម៉ោង៦និង២០នាទីល្ងាច ថ្ងៃទី២០ ខែកុម្ភៈ ឆ្នាំ២០១៩ នៅចំណុចបន្ទប់ជួល ផ្លូវ៩០៧ សង្កាត់ទួលសងែ្ក១…
រាជធានីភ្នំពេញ ៖ និស្សិតម្នាក់ត្រូវបានឪពុកខាងស្រីប្តឹងនគរបាល ហើយឃាត់ខ្លួនកាលពីវេលាម៉ោង៦និង២០នាទីល្ងាច ថ្ងៃទី២០ ខែកុម្ភៈ ឆ្នាំ២០១៩ នៅចំណុចបន្ទប់ជួល ផ្លូវ៩០៧ សង្កាត់ទួលសងែ្ក១ ខណ្ឌឫស្សីកែវ បន្ទាប់ពីនាំស្រីស្នេហ៍ជាអនិតិជនទៅរួមរ័ក្សនៅផ្ទះបានសម្រេចបានមួយថ្ងៃ ។
យុវជនដែលក្លាយជាអ្នកទោសស្នេហានោះ ត្រូវនគរបាលអោយដឹងថាឈ្មោះ យឹម សាន់ប៊ុនណា អាយុ២០ឆ្នាំ ជានិស្សិត ស្នាក់នៅបន្ទប់ជួលកន្លែងចាប់ខ្លួនខាងលើ ។ ចំណែកនារីរងគ្រោះឈ្មោះ អាយុ១៦ឆ្នាំ ជាសិស្ស មានទីលំនៅសង្កាត់ឫស្សីកែវ ខណ្ឌឫស្សីកែវ ។
តាមនគរបាលខណ្ឌឬស្សីកែវបានអោយដឹងថា យុវជនរូបនោះត្រូវបានកម្លាំងនគរបាលប៉ុស្តិ៍ទួលសង្កែទី១ ឃាត់ខ្លួនបន្ទាប់ពីមានពាក្យបណ្តឹងពីឪពុកក្មេងស្រី ។ តាមព័ត៌មានអោយដឹងទៀតថា កាលពីវេលាយប់ថ្ងៃទី១៩ ខែកុម្ភៈ ឆ្នាំ២០១៩ និស្សិតរូបនោះបានបបួលនារីរងគ្រោះ ដែលជាគួកំណាន់រួមទាំងមិត្តភក្តិម្នាក់ទៀតទៅផឹកស៊ីនៅហាងមួយកន្លែងម្តុំវត្តភ្នំ រួចហើយអ្នកទាំង៣បាននាំគ្នាជួលម៉ូតូកង់បីជិះវិលត្រឡប់មកផ្ទះវិញ ។
តាមព័ត៌មានអោយដឹងទៀតថា នៅពេលដែលធ្វើដំណើរជួនសង្សារមកដល់ផ្ទះមិត្តភក្តិហើយមិត្តក៏ចុះទៅផ្ទះទៅ ដោយឡែកយុវជនរូបនោះក៏បានបបួលសង្សាររបស់ខ្លួនឡើងជិះម៉ូតូកង់៣ទៅដេកនៅបន្ទប់ជួលរបស់ខ្លួន ហើយរួមរ័ក្សគ្នារហូតដល់បានសម្រេច ។ លុះព្រឹកឡើងថ្ងៃទី២០ នារីរងគ្រោះបានចុះវិលទៅផ្ទះវិញ ។
ព័ត៌មានបានអោយដឹងថា បន្ទាប់ពីបាត់កូនស្រីមួយយប់ឪពុកម្តាយសួរនាំ ហើយត្រូវក្មេងស្រីប្រាប់ហើយក៏បានទៅប្តឹងនគរបាលប៉ុស្តិ៍ចោទប្រកាន់ចាប់រំលោភសេពសន្ធវៈ រួចសមត្ថកិច្ចក៏បានចុះទៅឃាត់ខ្លួននៅវេលាល្ងាចថ្ងៃទី២០ ខែកុម្ភៈ ដោយនគរបាលចោទប្រកាន់ថា រួមភេទជាមួយអនិតិជន ៕
ចែករំលែកព័តមាននេះ