ប្រភពព័ត៌មានបរទេសផ្សាយថា កាលពីវេលាម៉ោង៣ទៀបភ្លឺថ្ងៃទី៣០ សីហា ម៉ោងក្នុងស្រុកមានសោកនាដកម្មគ្រោះថ្នាក់ចរាចរណ៍មួយបានកើតឡើងដោយរថយន្តក្រុងមួយគ្រឿងដែលធ្វើដំណើរពីទីក្រុងណៃរ៉ូប៊ីឆ្ពោះទៅក្រុងអូម៉ាបេ ប្រទេសកេនយ៉ាបានធ្លាក់ផ្លូវរមៀលចូលក្នុងជ្រោះ បណ្តាលឱ្យស្លាប់យ៉ាងតិច៤១នាក់ និង២៤នាក់ផ្សេងទៀតរងរបួស ។
លោក សាមូអេល គីម៉ារូ ប៉ូលិសចរាចរបានបញ្ជាក់ថា អាជ្ញាធរកំពុងប្រមូលសាកសពទាំងលំបាកចេញពីក្នុងជ្រោះ ព្រោះតំបន់កើតហេតុហុ៊មព័ទ្ធទៅដោយផ្ទាំងថ្ម និងដើមឈើស្អេកស្កះ ។ មូលហេតុនៃឧបទ្ទវហេតុដ៏អាក្រក់ខាងលើ ប៉ូលិសបានបញ្ជាក់ថា អាចបណ្តាលមកពីការបើកបរលឿន និងផ្ទុកអ្នកដំណើរលើសចំណុះ ។
ឮគេកត់សម្គាល់ឃើញថា គ្រោះថ្នាក់ចរាចរណ៍នៅលើដងផ្លូវភាគច្រើនកើតឡើងដោយសារអ្នកបើកបរប្រើប្រាស់ល្បឿនលឿនហួសកំណត់ សេពគ្រឿងស្រវឹង ហើយមួយផ្នែកដោយសារផ្លូវគ្មានស្លាកសញ្ញាចរាចរណ៍ ៕
ចែករំលែកព័តមាននេះ