រាជធានីភ្នំពេញ ៖ ប្រជាពលរដ្ឋប្រទះឃើញបុរសមិនស្គាល់អត្តសញ្ញាណម្នាក់បានយកម៉ូតូមួយគ្រឿងម៉ាក MSX ទៅប្លុងចោល ហើយបានរាយការណ៍ទៅសមត្ថកិច្ច បង្កឲ្យមានការភ្ញាក់ផ្អើលកាលវេលាម៉ោង៤ទៀបភ្លឺថ្ងៃទី២១ ខែកុម្ភៈ ឆ្នាំ២០១៩ នៅផ្លូវបេតុង…
រាជធានីភ្នំពេញ ៖ ប្រជាពលរដ្ឋប្រទះឃើញបុរសមិនស្គាល់អត្តសញ្ញាណម្នាក់បានយកម៉ូតូមួយគ្រឿងម៉ាក MSX ទៅប្លុងចោល ហើយបានរាយការណ៍ទៅសមត្ថកិច្ច បង្កឲ្យមានការភ្ញាក់ផ្អើលកាលវេលាម៉ោង៤ទៀបភ្លឺថ្ងៃទី២១ ខែកុម្ភៈ ឆ្នាំ២០១៩ នៅផ្លូវបេតុង ភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។
ម៉ូតូមួយគ្រឿងដែលបុរសមិនស្គាល់អត្តសញ្ញាណយកទៅប្លុងចោល ម៉ាក MSX ពណ៌ខ្មៅ ពាក់ស្លាកលេខ ភ្នំពេញ ១FE-៥៦៤៩។
បើតាមប្រភពព័ត៌មានពីលោក ផល សុធារ: ភេទប្រុស អាយុ២៣ឆ្នាំ មុខរបរជាងកាមេរ៉ា ដែលរស់នៅជិតកន្លែងកើតហេតុបានអោយដឹងថា នៅមុនពេលកើតហេតុ ដោយមានយុវជនម្នាក់ បានប្រទះឃើញបុរសមិនស្គាល់អត្តសញ្ញាណចំនួន២នាក់បានបណ្តើរម៉ូតូមួយគ្រឿងតាមបណ្ដោយផ្លូវបេតុងខាងលើ បន្ទាប់មកបុរសមិនស្គាល់អត្តសញ្ញាណទាំង២នាក់បានវ៉ាក់អើជាមួយយុវជននោះ ក៏រត់គេចខ្លួនបាត់ ។
ន្ទាប់មកយុវជននោះបានប្រាប់គាត់ថា ឃើញបុរសមិនស្គាល់អត្តសញ្ញាណយកម៉ូតូមួយគ្រឿងខាងលើប្លុងចោលនៅតាមផ្លូវ ហើយបន្ទាប់មកទៀត គាត់ក៏បានរាយការណ៍ទៅសមត្ថកិច្ចអោយជួយអន្តរាគមន៍ភ្លាមៗតែម្តង។
ក្រោយពេលកើតហេតុ សមត្ថកិច្ចបានយកម៉ូតូមួយគ្រឿងខាងលើទៅរក្សាទុកនៅប៉ុស្តិ៍នគរបាលរដ្ឋបាលចោមចៅទី៣ដើម្បីរង់ចាំប្រគល់អោយម្ចាស់វិញ ៕
ចែករំលែកព័តមាននេះ