កីឡាករលំដាប់ទី២ពិភពលោករ៉ាហ្វាអែលណាដាល់ និងកីឡាការិនីបេឡារុសវិចតូរីយ៉ា អាហ្សារេនកា ទាំងពីរនាក់បានឈានចូលដល់ជុំទី៤បន្តទៀតបន្ទាប់ពីបានយកឈ្នះគូប្រកួតរៀងៗខ្លួនក្នុងជុំទី៣កាលពីថ្ងៃសៅរ៍ទី៣១ សីហា នៅក្រុងញូវយ៉ក សហរដ្ឋអាមេរិក ។
កីឡាករលំដាប់ទី២ពិភពលោករ៉ាហ្វាអែលណាដាល់ និងកីឡាការិនីបេឡារុសវិចតូរីយ៉ា អាហ្សារេនកា ទាំងពីរនាក់បានឈានចូលដល់ជុំទី៤បន្តទៀតបន្ទាប់ពីបានយកឈ្នះគូប្រកួតរៀងៗខ្លួនក្នុងជុំទី៣កាលពីថ្ងៃសៅរ៍ទី៣១ សីហា នៅក្រុងញូវយ៉ក សហរដ្ឋអាមេរិក ។
ណាដាល់ដែលកំពុងតែព្យាយាមយកឈ្នះពានជើងឯក US Open ជាលើកទី២នោះបានយកឈ្នះកីឡាករក្រូអាស៊ី Ivan Dodig ក្នុងលទ្ធផល៦-៤, ៦-៣ និង៦-៣ ។ ថ្លែងបន្ទាប់ពីឈ្នះការប្រកួតកីឡាករវ័យ២៧ឆ្នាំរូបនេះបានបញ្ជាក់ថា៖ «ជារឿងល្អខ្លាំងណាស់ដែលបានឆ្លងផុតជុំនេះ ។ ខ្ញុំបានព្យាយាមវាយបកយ៉ាងខ្លាំង។ នៅទីនេះមានខ្យល់ខ្លាំង ដូច្នេះវាពិបាកប្រកួតបន្តិចដែរ»។
សូមរំលឹកថា ណាដាល់ធ្លាប់បានយកឈ្នះពានជើងឯកក្របខ័ណ្ឌនេះ តែ១លើកប៉ុណ្ណោះគឺនៅឆ្នាំ ២០១០ ។ ចំណែកនាងអាហ្សារេនកាដែលធ្លាប់បានឈានចូលដល់វគ្គផ្តាច់ព្រ័ត្រក្របខ័ណ្ឌធំនេះកាលពីឆ្នាំ២០១២ យកឈ្នះកីឡាការិនីបារាំង Alize Cornetក្នុងលទ្ធផល៦-៧, ៦-៣ និង៦-២ ។ នាងបាននិយាយថា៖ «ខ្ញុំបានព្យាយាមយ៉ាងអស់ពីសមត្ថភាពជាពិសេសនៅដើមសិតទី១ ។ ខ្ញុំមានទំនុកចិត្តច្រើន» ៕
ចែករំលែកព័តមាននេះ