សេចក្តីក្រោធគឺជាអាការៈរបស់ចិត្តដែលក្តៅឆួលឆេះ ក្រវល់ក្រវាយ ពុះកញ្ជ្រោលពីខាងក្នុងមកធ្វើឱ្យចិត្តលោតហក់ទៅតាមអារម្មណ៍លែងគិតពីអ្វីដែលត្រូវ អ្វីដែលខុសអស់រលីង គឺគេហ៊ានធ្វើអ្វីៗសព្វបែបយ៉ាង ជាជីវិតប្រាសចាកសេចក្តីសុខហើយ ។
ដើមហេតុដែលនាំឱ្យចិត្តឆួលឆេះនេះមកពីដើមហេតុៈ ព្យាបាទៈ ការចងគំនុំសងសឹកនឹងអ្វីមួយ,ទោសៈ ការគិតប្រទូស្តរ៉ាយនឹងអ្នកណាម្នាក់, កោធៈ ការក្តៅពុះកញ្ជ្រោល ជាប់ក្នុងចិត្ត, បដិឃៈ ការទាស់ចិត្តនឹងទង្វើអ្នកណាម្នាក់ និងអរតិ ការមិនពេញចិត្តនឹងឥរិយាបថអ្នកណាមួយ នេះជាអាការដែលនាំឱ្យខឹង ។
សេចក្តីក្រោធនេះ ប្រសិនបើកើតឡើងចំពោះមនុស្សធម្មតាមិនសូវជាបង្ករឿងប៉ុន្មានទេ តែបើកើតឡើងចំពោះអ្នកដឹកនាំវិញ ប្រាកដជានឹងមាន មហន្តរាយងាយគ្រោះថ្នាក់ខ្លាំងណាស់ ។
ព្រោះហេតុនោះទើបលោកឱ្យរំលត់ភ្លើងទោសៈ និងព្យាបាទៈ ដោយចិត្តមេត្តាដល់សព្វសត្វ ជារឿងសំខាន់បំផុតសម្រាប់មនុស្សគ្រប់រូប ។
ចែករំលែកព័តមាននេះ