រាជធានីភ្នំពេញ ៖ អតីតប្រធានគណបក្សអំណាចខ្មែរលោកសួន សេរីរដ្ឋា បានស្នើចំៗទៅកាន់លោកស្នងការនគរបាលរាជធានីភ្នំពេញថា បើមិនមានធានការហាមឃាត់រថយន្តធំៗចូលក្រុងឲ្យមានប្រសិទ្ធភាពទុកកិច្ចការនេះជូនអ្នករត់ម៉ូតូឌុប ឬប្រជាពលរដ្ឋឃាត់ជំនួស ។
លោកសួន សេរីរដ្ឋាបានសរសេរលើបណ្តាញសង្គម នៅថ្ងៃទី២១ កុម្ភៈ យ៉ាងដូច្នេះថា«ជម្រាបលោកស្នងការថា ៖ ប្រើកម្លាំងនគរបាល ឬប៉េអឹមឲ្យឃាត់ចាប់ឡានធំធុនធ្ងន់ទាំងនោះ គឺដូចឲ្យទៅឈរចាំយកលុយពីឡានទេ… គ្មានប្រសិទ្ធិភាពទេ… ។ តែបើចង់ចាប់ឃាត់ឡានធំធុនធ្ងន់ទាំងនោះឲ្យមានប្រសិទ្ធិភាព បើកដៃឲ្យម៉ូតូឌុប និងពលរដ្ឋចូលរួមទប់ស្កាត់វិញ គឺធានាមានប្រសិទ្ធិភាព១០០% »។ លោកបន្តថា ហ៊ានទេឲ្យម៉ូតូឌុប និងពលរដ្ឋចេញជួយឃាត់ចាប់?។ ការស្នើទៅលោក ស ថេត ស្នងការនគបាលរាជធានីភ្នំពេញរបស់លោកសួន សេរីរដ្ឋា នេះបន្ទាប់មានករណីគ្រោះថ្នាក់ចរាចរណ៍ដោយរថយន្តក្រឡុកស៊ីម៉ងត៍ដាច់ហ្វ្រាំងបុករះទៅម៉ូតូជាច្រើនគ្រឿងនៅមុខវិទ្យាល័យបឹងត្របែង បណ្តាលឲ្យមនុស្សមួយចំនួនរបួសធ្ងន់ និងបណ្តាលឲ្យគ្រូបង្រៀននៅវិទ្យាល័យបឹងត្របែកស្លាប់ម្នាក់ ។
តាមការសម្គាល់ទោះបីជាសាលាក្រុងធ្លាប់ប្រកាសហាមរថយន្តធំបើកចូលក្រុងយ៉ាងណាក្តីគេ ឃើញថា ចំណាត់ការនេះគ្មានប្រសិទ្ធភាពនោះទេ៕
ចែករំលែកព័តមាននេះ