ក្រុមហ៊ុនអយស្ម័យយានរបស់ជប៉ុនចាប់ផ្ដើមសាកល្បងរថភ្លើងប្រើថាមពលម៉ាញ៉េទិក ដោយរំពឹងថា នឹងផ្ដល់សេវាកម្មជំនួសរថភ្លើងល្បឿនលឿនបច្ចុប្បន្ននៅឆ្នាំ២០២៧ ។ ក្រុមហ៊ុនសង់ត្រាលដេប៉េនរ៉េលវ៉េ នឹងចាប់ផ្ដើមសាងសង់ផ្លូវរថភ្លើងម៉ាញេទិកពីក្រុងតូក្យូឆ្ពោះទៅក្រុងណាហ្គោយ៉ាក្នុងខែមេសា ២០១៤ ដែលអាចនឹងចំណាយថវិកាដល់ទៅ៥,១លានលានយេន និងបានសាកល្បងរថភ្លើងប្រើថាមពលម៉ាញ៉េទិក កាលពីថ្ងៃទី២៩ សីហា ។
រថភ្លើងម៉ាញ៉េទិកខាងលើ អាចបើកបរក្នុងល្បឿនលឿនទៅដល់៥០០គីឡូម៉ែត្រក្នុងមួយម៉ោង អាចកាត់បន្ថយពេលវេលាក្នុងការធ្វើដំណើរពីក្រុងហាហ្គោយ៉ា ទៅក្រុងពីតូក្យូដែលមានចម្ងាយប្រហែល២៨៦គីឡូម៉ែត្រនោះឱ្យត្រឹមតែ៤០នាទីប៉ុណ្ណោះ ចំណែកបច្ចុប្បន្នត្រូវចំណាយពេលលឿនបំផុត៩៥នាទី ដោយរថភ្លើងល្បឿនលឿន ។ រថភ្លើងម៉ាញ៉េទិកខាងលើប្រើថាមពលមេដែកនឹងធ្វើឱ្យក្បួនរថភ្លើងលឿនជិត២ដងនៃរថភ្លើងល្បឿនលឿនក្នុងពេលបច្ចុប្បន្ន ៕
ចែករំលែកព័តមាននេះ