ស្មាតហ្វូនប្រមូលទិន្នន័យជាច្រើនរបស់អ្នកប្រើប្រាស់ដែលរួមមានដូចជាលេខកូដសម្ងាត់ និង ទីតាំងដែលអ្នកប្រើប្រាស់បានទៅជាដើម ។ ខាងក្រោមនេះគឺជាព័ត៌មានសំខាន់ៗរបស់អ្នកដែលស្មាតហ្វូនផ្ទុក៖ ១. ទីកន្លែងដែលអ្នកបានទៅកាន់ ទាំងទូរស័ព្ទ Android និង…
ស្មាតហ្វូនប្រមូលទិន្នន័យជាច្រើនរបស់អ្នកប្រើប្រាស់ដែលរួមមានដូចជាលេខកូដសម្ងាត់ និង ទីតាំងដែលអ្នកប្រើប្រាស់បានទៅជាដើម ។ ខាងក្រោមនេះគឺជាព័ត៌មានសំខាន់ៗរបស់អ្នកដែលស្មាតហ្វូនផ្ទុក៖
១. ទីកន្លែងដែលអ្នកបានទៅកាន់
ទាំងទូរស័ព្ទ Android និង iPhone មានឧបករណ៍តាមដានទីតាំងដែលអាចដឹងពីទីកន្លែងដែលអ្នកបានទៅក្នុងពេលណាមួយ។ វាមានឈ្មោះជា Location Services ដែលត្រូវបានលក់ក្នុង Settings នៃទូរស័ព្ទរបស់អ្នក ។
ប្រសិនបើអ្នកបើកដំណើរការវា ទូរស័ព្ទរបស់អ្នកនឹងមានរាយឈ្មោះបញ្ជីទីតាំងដែលអ្នកបានទៅជាមុនខា។ សេវានេះធ្វើឲ្យទូរស័ព្ទរបស់អ្នកឆាប់អស់ថ្ម ដូច្នេះអ្នកប្រើប្រាស់ជាច្រើនបិទវា ប៉ុន្តែកម្មវិធីទូរស័ព្ទមួយចំនួនដូចជា Uber និង Grab បើកដំណើរការវាប្រសិនបើអ្នកអនុញ្ញាត ។
២. លេខកូដសម្ងាត់
ក្រុមហ៊ុនស្មាតហ្វូន OnePlus របស់ប្រទេសចិនត្រូវបានប្រទះឃើញថាប្រើព័ត៌មានផ្ទាល់ខ្លួនរបស់អ្នកប្រើប្រាស់ដូចជាលេខកូដសម្ងាត់ ។ ពួកគេបានបកស្រាយថាពួកគេប្រមូលទិន្នន័យទាំងនេះដើម្បីបង្កើនបទពិសោធន៍ប្រើប្រាស់ ប៉ុន្តែវានៅតែរំលោភសិទ្ធិឯកជនរបស់អ្នកប្រើប្រាស់ដដែល ។
ពេលខ្លះទៀតពេលដែលចុះឈ្មោះ ឬ Log In ចូលក្នុងកម្មវិធីទូរស័ព្ទឬវ៉េបសាយណាមួយលើស្មាតហ្វូនរបស់អ្នក អ្នកនឹងមើលឃើញសារមួយឲ្យអ្នក Save លេខកូដ ហើយអ្នកមិនចាំបាច់ចុចលេខកូដសម្ងាត់របស់អ្នកម្តងទៀតឡើយពេលដែលធ្វើការ Log In។ ប៉ុន្តែការធ្វើដូច្នេះប្រៀបបានជាអនុញ្ញាតឲ្យស្មាតហ្វូនរបស់អ្មកកត់ត្រាទុកលេខសម្ងាត់ក្នុងទិន្នន័យដែរ។
៣. រាល់សារដែលអ្នកបានផ្ញើចេញ
ប្រសិនបើអ្នកជាអ្នកប្រើប្រាស់ទូរស័ព្ទ iPhone រាល់សារដែលអ្នកបានផ្ញើ ទោះលុបចោលពិតមែនក្តី ត្រូវបានកត់ត្រាទុកក្នុងទូរស័ព្ទរបស់អ្នកក្នុងរយៈពេលណាមួយកំណត់មុននឹងត្រូវបានលុបចោលទាំងស្រុងដើម្បីធានាថាសារទាំងនោះត្រូវបានផ្ញើ និងទទួលបានត្រឹមត្រូវសិន។ ប៉ុន្តែ Apple មិនបានប្រាប់ច្បាស់លាស់ពីពេលវេលាដែលទូរស័ព្ទទុកសារទាំងនោះឡើយ។
៤. រាល់ព័ត៌មានដែលអ្នកឲ្យទៅ Google
Android ដំណើរការកម្មវិធីរបស់ Google ដែលមានដូចជា Chrome, Play Store និង Gmail ជាដើម ។ ដូច្នេះពេលដែលអ្នក Sign In ដោយប្រើព័ត៌មាន Google របស់អ្នក ទូរស័ព្ទរបស់អ្នកនឹងត្រូវបានតភ្ជាប់នឹងគ្រប់គណនី Google ដទៃដែលអ្នកមាន។
ពេលនោះទូរស័ព្ទរបស់អ្នកនឹងអាចប្រមូលទិន្នន័យទាក់ទិននឹងការនិយាយទូរស័ព្ទរបស់អ្នក ទីតាំងរបស់អ្នក និងព័ត៌មានដទៃទៀតជាដើមដែល Google មាន ៕
ប្រភព ៖ Reader’s Digest
ចែករំលែកព័តមាននេះ