រាជធានីភ្នំពេញ៖ តារាសម្តែងដួង ម៉ានិច្ច ដែលតែងតែបង្ហាញសម្រស់ស្រស់សោភា និងទេពកោសល្យសម្តែងជាតួឯកក្នុងខ្សែភាពយន្តជាច្រើនរឿងនោះ មិនទាន់អាចឆក់ចិត្តបុរសណាបានទេ ។ រឿងនេះធ្វើឲ្យស្រីស្អាតដួង ម៉ានិច្ចហាក់ចម្លែកចិត្តខ្លួនឯងដែរ ?…
រាជធានីភ្នំពេញ៖ តារាសម្តែងដួង ម៉ានិច្ច ដែលតែងតែបង្ហាញសម្រស់ស្រស់សោភា និងទេពកោសល្យសម្តែងជាតួឯកក្នុងខ្សែភាពយន្តជាច្រើនរឿងនោះ មិនទាន់អាចឆក់ចិត្តបុរសណាបានទេ ។ រឿងនេះធ្វើឲ្យស្រីស្អាតដួង ម៉ានិច្ចហាក់ចម្លែកចិត្តខ្លួនឯងដែរ ?
ឬមួយមកពីគេគិតថាដួង ម៉ានិច្ច រើសយកតែបុរសសម្បូរទ្រព្យបានជាគ្មានបុរសណាហ៊ានប្រលោមស្នេហ៍ ។ មកទល់ពេលល្បីឈ្មោះស្រាប់តែតារាតូចច្រឡឹងដួងម៉ានិច្ច បង្ហាញការភ័យខ្លាចនៅក្រមុំសៅកែអត់គូខុសពីស្រីស្អាតដទៃទៀត ។ ជាពិសេសនាងកាន់តែរំភើបចិត្តខ្លាំងនៅពេលឃើញតារាស្រីល្បីឈ្មោះ និងទើបតែលេចធ្លោមួយចំនួនមានគូស្នេហ៍យ៉ាងលឿន ខ្លះរៀបការមានកូន ខ្លះទៀតចាកចេញទៅនៅក្រៅប្រទេសសាងអនាគតថ្មី ។
កញ្ញាដួង ម៉ានិច្ច កាលពីពេល ថ្មីៗកន្លងមកនិយាយលាយសំណើចថា«រយៈពេល៤ឆ្នាំមកនេះនាងខ្ញុំពិតជាឆ្ងល់ខ្លួនឯងខ្លាំងណាស់ ជាអ្នកសិល្បៈមួយរូបដែរ តែហេតុអ្វីបានគ្មានបុរសណាម្នាក់មកតាមស្រឡាញ់ ខុសប្លែកពីអ្នកធម្មតាដែលពួកគេមិនមែនជាអ្នកសិល្បៈ តែមានអ្នកតាមស្រឡាញ់ និងចូលរោងការជាបន្តបន្ទាប់។ ខ្ញុំហ៊ានស្បថជូនឥឡូវនេះ អត់មានបុរសណាម្នាក់តាមស្រឡាញ់ខ្ញុំទេ ៤ឆ្នាំហើយមិនមែនលេងសើចទេ ហើយមិនមែន១ខែ ឬ២ខែ តែ៤ឆ្នាំយូរណាស់ ពេលនេះខ្ញុំអាយុ២៧ ហើយសង្ស័យតែនៅក្រមុំសៅកែហើយមើលទៅ បើអ្នកក្រមិនហ៊ាន អ្នកមានមិនចូលអញ្ចឹង» ។
តួឯកស្រីក្នុងរឿង«ហង្សបាក់ស្លាប» បន្តថានាងក៏គិតខ្លះដែរដោយសារតែចង់ឲ្យល្អិតល្អន់ទើបនាងមិនចេះតែយកផ្តេសផ្តាស បើហក់លោតនាងនៅសុខស្រួល មិនដើរថតសន្សំលុយកាក់ល្អិតឡើយ ។ បើនិយាយទៅមានអ្នកចង់ចិញ្ចឹមតែនាងគ្មានការចង់ដើរផ្លូវមួយនេះជាដាច់ខាតព្រោះក្រុមគ្រួសាររបស់នាងក៏មានមុខមាត់ តួនាទី កិត្តិយសព្រោះលោកប៉ារបស់នាងគឺជានាយកសាលាម្នាក់ដែរនៅខេត្ត។
តារាសម្តែងរូបនេះនិយាយថា«ប្រសិនបើមានគូ ឬបុរសដែលស្រឡាញ់នាងខ្ញុំមាននិស្ស័យក្នុងចិត្តស្រឡាញ់បុរសពោះម៉ាយច្រើនជាង ដោយសារតែយល់ឃើញបុរសចាស់ទុំ គឺមានការថ្នាក់ថ្នម ចិត្តធ្ងន់ធ្វើអ្វីតែងតែប្រដែប្រដៅក្មេង ស្គាល់សង្គមច្បាស់ និងមានបទពិសោធន៍ខ្ពស់ »។
បច្ចុប្បន្ននេះដួង ម៉ានិច្ច កំពុងតែលូតលាស់លើអាជីពសម្តែងភាពយន្ត សម្តែងចម្រៀងកាយវិការ ដើរម៉ូដ និងថតស្ប៉តពាណិជ្ជកម្មជាដើម ។ ទន្ទឹមនឹងការងារសិល្បៈកំពុងតែកាក់កប ថ្មីៗកន្លងមកនេះ ដួង ម៉ានិច បានទិញរថយន្តស៊េរីទំនើបថ្មីថែមមួយគ្រឿងទៀតពីលើរថយន្តម៉ាក Camry Hybrid ៕
ចែករំលែកព័តមាននេះ