ម៉ោះ ! មកដឹង Messi ឬ Ronaldo មួយណាប៉េណាល់ទីល្អជាង
តាមប្រភពព័ត៌មាន Soccer Laduma បានឱ្យដឹងថា កីឡាករជើងខ្លាំង Lionel Messi និងគូប្រជែង Cristiano Ronaldo…
តាមប្រភពព័ត៌មាន Soccer Laduma បានឱ្យដឹងថា កីឡាករជើងខ្លាំង Lionel Messi និងគូប្រជែង Cristiano Ronaldo…
តាមប្រភពព័ត៌មាន Soccer Laduma បានឱ្យដឹងថា កីឡាករជើងខ្លាំង Lionel Messi និងគូប្រជែង Cristiano Ronaldo ត្រូវបានគេចាត់ទុកជាកីឡាករខ្លាំងផ្តាច់គេលើលោកខាងវិស័យបាល់ទាត់ ដោយមានការប្រកែកគ្នាច្រើនទៅលើសំនួរថា តើមួយណាល្អជាងមួយណា? បើនិយាយពីការស៊ុតបាល់ប៉េណាល់ទី តើនរណាគេល្អជាង?
Messi ទើបតែស៊ុតប៉េណាល់ទីខុសនៅកាលពីថ្ងៃសៅរ៍ក្នុងការប្រកួតជាមួយនឹង Real Valladolid ដែលវាជាលើកទី២៥ហើយ ចំពោះការស៊ុតខុសរបស់ Messi ។ ការស៊ុតប៉េណាល់ទីសរុបរបស់កីឡាកររូបនេះ គឺមានចំនួន៨២ដង ។
សម្រាប់ Ronaldo វិញ គឺស៊ុតប៉េណាល់ទីខុសចំនួន២២ដង ក្នុងការស៊ុតប៉េណាល់ទីសរុប១៣១ដង ។ ដូចនេះ Ronaldo មានការស៊ុតខុសតិចជាង តែចំនួនដងនៃការស៊ុតមានច្រើនជាង Messi។
ខណៈដែល Ronaldo មានការស៊ុតប៉េណាល់ទីចូលទី ៨៣% នៃការស៊ុតសរុប Messi មានភាគរយត្រឹមតែ៧៧%ប៉ុណ្ណោះ ។ បើទោះបីជា Ronaldo មានប្រៀបលើ Messi ខាងស៊ុតប៉េណាល់ទីនេះក៏ដោយ គ្រូបង្វឹករបស់ Barcelona លោក Ernesto Valverde នៅតែអនុញ្ញាតឱ្យ Messi ជាអ្នកស៊ុតដដែល ។
លោកបាននិយាយថា៖ «ទេ! ខ្ញុំមិនព្រួយបារម្ភទេ។ ខ្ញុំជឿជាក់ថា គេនឹងអាចស៊ុតចូលទាំងពីរគ្រាប់ក្នុងការប្រកួត។ Leo គឺជាអ្នកស៊ុតដ៏គួរឱ្យជឿទុកចិត្ត។ គេអាចនឹងរកគ្រាប់បាល់បានច្រើនថែមទៀតផង»។
គួរបញ្ជាក់ផងដែរថា បើទោះបីជា Messi ស៊ុតប៉េណាល់ទីខុសនៅគ្រាប់ទីពីរក៏ដោយ រូបគេនៅតែជាកីឡាកររកគ្រាប់បាល់បានច្រើនជាងគេនៅលីគក្នុងរដូវកាលនេះដែរ ដោយស៊ុតបានគ្រាប់បាល់២២គ្រាប់ ក្នុង LaLiga ខណៈដែល Ronaldo បានត្រឹមតែ ១៩គ្រាប់ប៉ុណ្ណោះ ៕
ប្រភព ៖ Soccerladuma
ចែករំលែកព័តមាននេះ