ខេត្តបន្ទាយមានជ័យ ៖ តាមសេចក្តីរាយការណ៍ព័ត៌មានបឋមបានឱ្យដឹងថា ក្មេងស្រីអាយុជាង១ខួបម្នាក់បានរអិលជើងដាំក្បាលចូលក្នុងធុងទឹក បណ្តាលឲ្យឈ្លក់ទឹកស្លាប់ បង្កឲ្យមានការភ្ញាក់ផ្អើលកើតឡើងកាលពីវេលាម៉ោង១០ព្រឹកថ្ងៃទី២០ ខែកុម្ភៈ ឆ្នាំ២០១៩ នៅភូមិវាលហាត់ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។
លោកវរសេនីយ៍ឯក បេន សំអាត អធិការនគរបាលស្រុកម៉ាឡៃ បានឲ្យដឹងថា ក្មេងស្រីរងគ្រោះដែលស្លាប់ឈ្មោះ ស្រីទូច អាយុ១ឆ្នាំ៦ខែ រស់នៅភូមិវាលហាត់ ឃុំម៉ាឡៃ ស្រុកម៉ាឡៃ ខេត្តបន្ទាយមានជយ័ ។
តាមប្រភពដដែលបានឱ្យដឹងថា មុនពេលកើតហេតុ ម្តាយក្មេងស្រីរងគ្រោះរវល់ធ្វើម្ហូប ដោយឲ្យកូនស្រីលេងតែម្នាក់ឯង ហើយក្មេងស្រីរងគ្រោះបានដើរទៅលេងក្បែរធុងទឹក ក៏រអិលជើងដាំក្បាលចូលក្នុងធុងដែលមានទឹក ដោយគ្មានអ្នកណាដឹង បណ្តាលឲ្យក្មេងស្រីរងគ្រោះឈ្លក់ទឹកស្លាប់តែម្តង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ