ខេត្តសៀមរាប៖ជនបរទេសសញ្ជាតិអូទ្រីសម្នាក់សំពាធឈាមឡើងខ្ពស់បណ្តាលឱ្យដាច់សរសៃឈាមខួរក្បាលស្លាប់ភ្លាមៗស្ថិតនៅក្នុងផ្ទះជួល កាលពីវេលាម៉ោង៦និង១៨នាទីល្ងាច នាថ្ងៃទី១៩ ខែកុម្ភៈ ឆ្នាំ២០១៩ នៅចំណុចផ្ទះជួលភូមិសាលាកំរើក សង្កាត់សាលាកំរើក ក្រុង-ខេត្តសៀមរាប បង្កឱ្យមានការភ្ញាក់ផ្អើលពេញបន្ទប់ជួលជិតខាង ។…
ខេត្តសៀមរាប៖ជនបរទេសសញ្ជាតិអូទ្រីសម្នាក់សំពាធឈាមឡើងខ្ពស់បណ្តាលឱ្យដាច់សរសៃឈាមខួរក្បាលស្លាប់ភ្លាមៗស្ថិតនៅក្នុងផ្ទះជួល កាលពីវេលាម៉ោង៦និង១៨នាទីល្ងាច នាថ្ងៃទី១៩ ខែកុម្ភៈ ឆ្នាំ២០១៩ នៅចំណុចផ្ទះជួលភូមិសាលាកំរើក សង្កាត់សាលាកំរើក ក្រុង-ខេត្តសៀមរាប បង្កឱ្យមានការភ្ញាក់ផ្អើលពេញបន្ទប់ជួលជិតខាង ។
តាមការបញ្ជាក់របស់លោកវរសេនីយ៏ឯក ផេង ពេជ្រ នាយការិយាល័យវិទ្យាសាស្ត្របច្ចេកទេសនៃស្នងការដ្ឋាននគរបាលខេត្តបានឱ្យដឹងថា ក្រោយពីទទួលបានព័ត៌មានអំពីករណីជនបរទេសម្នាក់ដេកស្លាប់នៅក្នុងផ្ទះជួលក្នុងភូមិសាលាកំរើក សង្កាត់សាលាកំរើក ទើបកម្លាំងការិយាល័យរបស់លោកបានសហការជាមួយកម្លាំងការិយាល័យអនុវត្តនីតិវិធី និងកម្លាំងនគរបាលនៃអធិការដ្ឋានក្រុងសៀមរាបរួមទាំងលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការខេត្ត ចុះទៅពិនិត្យជនរងគ្រោះដល់កន្លែងកើតហេតុភា្លមៗផងដែរ ។
លោកបានបន្តទៀតថា ជនរងគ្រោះមានឈ្មោះ OBILTSCHNIGFRANZ ភេទប្រុស កើតថ្ងៃទី១២-០៦-១៩៥០ ជាជនជាតិអូទ្រីស កាន់លិខិតឆ្លងដែនលេខU៣៣៣៦៧៨១ទិដ្ឋាការស្នាក់នៅប្រភេទទេសចរណ៍ ចូលមកព្រះរាជាណាចក្រកម្ពុជាកាលពីថ្ងៃទី១២ ខែកុម្ភៈ ឆ្នាំ២០១៩ តាមច្រកព្រលានយន្តនោះអន្តរជាតិសៀមរាបហើយបានស្នាក់នៅផ្ទះជួលកើតហេតុខាងលើ ។
ផ្អែកតាមការស្រាវជ្រាវរបស់សមត្ថកិច្ចនគរបាលជំនាញឃើញថា ពុំមានស្លាកស្នាមអ្វីគួរឱ្យកត់សម្គាល់ពាក់ព័ន្ធទៅនឹងបទល្មើសព្រហ្មទ័ណ្ឌឡើយក្នុងករណីនេះលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការខេត្តបានសន្និដ្ឋានថា ជនរងគ្រោះស្លាប់ដោយសារសំពាធឈាមឡើងគំហុក ទើបបណ្តាលឱ្យដាច់សរសៃឈាមក្នុងខួរក្បាលស្លាប់ភ្លាមៗតែម្តង ។
បច្ចុប្បន្នសាកសពជនរងគ្រោះត្រូវបានកម្លាំងជំនាញបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៊ី) រាជធានីភ្នំពេញដើម្បីរង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ