ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា ចោរបានធ្វើសកម្មភាពគាស់ផ្ទះមួយកន្លែង ដោយលួចយកបានប្រាក់សរុបជាងម៉ឺនដុល្លារទៅបាត់ដោយសុវត្ថិភាព ខណៈពេលម្ចាស់ផ្ទះមិននៅ ហើយបង្កឱ្យមានការភ្ញាក់ផ្អើលកើតឡើងនៅល្ងាចថ្ងៃទី១៨ កម្ភៈ ស្ថិតភូមិផ្សារត្រែងត្រយឹង ឃុំត្រែងត្រយឹង…
ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា ចោរបានធ្វើសកម្មភាពគាស់ផ្ទះមួយកន្លែង ដោយលួចយក
បានប្រាក់សរុបជាងម៉ឺនដុល្លារទៅបាត់ដោយសុវត្ថិភាព ខណៈពេលម្ចាស់ផ្ទះមិននៅ ហើយបង្កឱ្យមានការភ្ញាក់ផ្អើលកើតឡើងនៅល្ងាចថ្ងៃទី១៨ កម្ភៈ ស្ថិតភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ ហើយករណីនេះដែរ មានការរិះគន់ទៅខាងកម្លាំងសមត្ថកិច្ចថា ហាក់ដូចជាចង់លាក់បាំងមិនចង់ឱ្យបែកធ្លាយជាសាធារណៈ ។
សេចក្តីរាយការណ៍បន្តថា ម្ចាស់ផ្ទះខាងលើ ឈ្មោះកង ពៅ ភេទប្រុស អាយុ៤០ឆ្នាំ ។ រីឯចោរមិនដឹងមានប៉ុន្មាននោះទេ តែសង្ស័យអាចគ្នាច្រើន ព្រោះបានចូលរើរុះអីវ៉ាន់នៅក្នុងផ្ទះរាយប៉ាយពេញ មិនតែប៉ុណ្ណោះ ទូដែកក៏ត្រូវគាស់ខ្ទេចខ្ទី និងយកប្រាក់សរុបអស់ជាង២ម៉ឺនដុល្លារទៀត ។ នេះបើយើងតាមពីម្ចាស់ផ្ទះបានប្រាប់មក ។
ប្រភពពីម្ចាស់ផ្ទះបន្តទៀតថា នៅមុនពេលកើតហេតុ ពួកគាត់នាំគ្នាទៅធ្វើចម្ការដោយចាក់សោទ្វារយ៉ាងត្រឹមត្រូវ ។ លុះត្រឡប់មកវិញ បែរប្រទះឃើញមានស្នាមគាស់បង្អួច និងគាស់ទូដែករួមមានលុយខ្មែរជាង៣លានរៀល, ប្រាក់ដុល្លារ1.6000, ប្លាទីនទម្ងន់៥ជីផងដែរ ។
ទោះជាយ៉ាងនេះក្តី បើតាមមន្ត្រីនគរបាលស្រុកភ្នំស្រួចម្នាក់បានប្រាប់នៅរសៀលថ្ងៃទី១៩ កុម្ភៈ ថា ករណីនេះ គឺបន្ទាប់ពីទទួលដំណឹងនេះកើតឡើងហើយ ទាំងជំនាញខេត្តនិងស្រុក បានចុះដល់កន្លែងកើតហេតុដើម្បីធ្វើការត្រួតពិនិត្យ ។ ហើយសមត្ថកិច្ចគ្មានបំណងលាក់លៀមអ្វីនោះទេ គឺមិនចង់អោយបែករឿងដោយសារជំនាញកំពុងធ្វើការស្រាវជ្រាវរកមុខសញ្ញាតែប៉ុណ្ណោះ ។
ចែករំលែកព័តមាននេះ