សហរដ្ឋអាមេរិក ៖ ក្រុមចម្រុះមួយដែលមានរដ្ឋ១៦របស់សហរដ្ឋអាមេរិក នាំមុខដោយរដ្ឋកាលីហ្វ័រញ៉ា កាលពីថ្ងៃទី១៨កុម្ភៈបានសន្យាពីការប្រើនីតិវិធីតុលាការ ប្រឆាំងការសម្រេចរបស់លោកដូណាល់ត្រាំ ប្រកាសភាពអាសន្នជាតិដើម្បីឲ្យទទួលបានប្រាក់គ្រប់គ្រាន់សម្រាប់កសាងជញ្ជាំងនៅតាមព្រំដែនជាមួយម៉ិកស៊ិក។
រដ្ឋមន្ត្រីយុត្តិធម៌នៃរដ្ឋកាលីហ្វ័រញ៉ាថ្លែងថា យើងតតាំងជាមួយលោកប្រធានាធិបតីត្រាំ នៅតុលាការ ដើម្បីរាំងខ្ទប់ការប្រើប្រាស់អំណាចប្រធានាធិបតីដោយបំពាន។ លោកអះអាងបែបនេះក្រោយពីដាក់ពាក្យបណ្ដឹង នៅតុលាការស្រុកមួយរបស់រដ្ឋ។ ក្នុងសេចក្ដីប្រកាសមួយអ្នកប្រជាធិបតេយ្យរូបនោះ លោកXAVIER BECERRA និយាយថា ទិសដៅរបស់យើងគឺរារាំងលោកដូណាល់ត្រាំ កុំឲ្យលួចជាឯកតោភាគីនាពេលខាងមុខ នូវប្រាក់របស់បណ្ដាអ្នកចូលរួមវិភាគទាន ដោយផាត់ទុកមួយឡែកច្បាប់ដែលសភាត្រូវអនុម័ត សម្រាប់ប្រជាជននៃបណ្ដារដ្ឋរបស់យើង។ លោកបន្តថាសម្រាប់ពួកយើងភាគច្រើនយល់ថា ខុន្ទកាល័យប្រធានាធិបតីពុំមែនជាកន្លែងសម្ដែងល្ខោនឡើយ។
បុគ្គល៣រូបនៃរដ្ឋតិចសាស់ និងមនុស្សមួយក្រុមនៃផ្នែកការពារបរិស្ថានបានដាក់រួចហើយកាលពីថ្ងៃទី១៥កុម្ភៈ ពាក្យបណ្ដឹងដំបូងៗទៅតុលាការបន្ទាប់ពីលោកត្រាំ ប្រកាសស្ថានភាពអាសន្ន ដោយចោទប្រកាន់ប្រធានាធិបតីអាមេរិកថា រំលោភបំពានរដ្ឋធម្មនុញ្ញនិងធ្វើឲ្យប៉ះពាល់ដល់សិទ្ធិកម្មសិទ្ធិរបស់ពួកគេ។
នីតិវិធីផ្សេងៗអាចធ្វើឲ្យយឺតយ៉ាវដល់ដំណើរការរបស់លោកត្រាំ សម្រាប់កសាងជញ្ជាំងនៅព្រំដែនជាមួយម៉ិកស៊ិក ប៉ុន្តែតាមមើលទៅគេមានវាសនាតិចតួចណាស់ដែលអាចរារាំងដំណើរការនោះបាន៕
ចែករំលែកព័តមាននេះ