ប្រទេសឥណ្ឌា ៖ យន្តហោះ២គ្រឿងរបស់ក្រុមយន្តហោះសម្ដែងប្ញទ្ធិ SURYA KIRAN របស់កងទ័ពអាកាសឥណ្ឌា បានធ្លាក់កាលពីថ្ងៃទី១៩ ខែកុម្ភៈ ឆ្នាំ២០១៩ នៅព្រលានយន្តហោះ YELAHANKAនៅបឹងហ្គាល័រ ជាកន្លែងត្រៀមទទួលពិព័រណ៍យន្តហោះឆ្នាំ២០១៩ AERO INDIA។
តាមទីភ្នាក់ងារព័ត៌មានឥណ្ឌាANIថា ព័ត៌មានដំបូងៗនិយាយថា យន្តហោះទាំង២នោះបុកគ្នា តែអ្នកបើកទាំង២នាក់អាចលោតចេញ។ វីដេអូជាច្រើនផ្សាយតាមបណ្ដាញសង្គម ក្រោយគ្រោះថ្នាក់នេះ បង្ហាញយន្តហោះទាំង២ដែលលែងត្រួតត្រាបាន ដាំក្បាលធ្លាក់ចុះក្រោម។ វីដេអូឯទៀតៗបង្ហាញផ្សែងខ្មៅហុយចេញពីលើកន្លែងយន្តហោះធ្លាក់។
បើតាមផ្នែ្នកសង្គ្រោះបន្ទាន់មូលដ្ឋានថា អ្នកបើកម្នាក់អាចត្រូវស្លាប់។ ការបុកគ្នាកើតមានពេលហ្វឹកហាត់ សម្រាប់ហោះបង្ហាញនាឱកាសពិព័រណ៏យន្តហោះAERO INDIA។ ប៉ូលិសបឹងហ្គាល័រនិយាយថា បំណែកយន្តហោះបានធ្លាក់ជិតទីតាំងរបស់ISRO ជាទីភ្នាក់ងារស្រាវជ្រាវអវកាសឥណ្ឌា និងថាជនស៊ីវិលម្នាក់រងរបួស៕ ប្រភពវីដេអូ ៖ SURYA KIRAN
ចែករំលែកព័តមាននេះ