រាជធានីភ្នំពេញ ៖ បុរសម្នាក់មិនស្គាល់អត្តសញ្ញាណវ័យជាង៥០ឆ្នាំស្រវឹងស្រាជិះម៉ូតូហុងដាឌ្រីមមកស្រែកជេរឡូឡាបោកចាន់បង្គន់ដែលគេទុកចោលនៅចិញ្ចើមផ្លូវផ្អើលដល់សមត្ថកិច្ចធ្វើការឃាត់ខ្លួនយកទៅប៉ុស្តិ៍ដើម្បីសួរនាំ ហេតុការណ៍នេះបានកើតឡើងកាលពីវេលាម៉ោង10នឹង15នាទីយប់ថ្ងៃទី១៨ ខែកុម្ភៈ ឆ្នាំ២០១៩ តាមបណ្តោយផ្លូវ១៥កែងផ្លូវ១៤៨នៅចំណុចម្តុំផ្សារកណ្តាល២ ខណ្ឌដូនពេញ ។
តាមប្រភពព័ត៌មានពីសាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញបុរសម្នាក់មិនស្គាល់អត្តសញ្ញាណវ័យជាង៥០ឆ្នាំជិះម៉ូតូហុងដាឌ្រីមមួយគ្រឿងពណ៌ខ្មៅមិនចាំផ្លាកលេខមិនដឹងថា ចេញមកពីផឹកស៊ីទីណានោះទេ បានជាស្រវឹងស្រាជោគជាំមកស្រែកជេរ និងប្រមាថដល់អ្នកស្គាល់គ្នាដែលគាត់រស់នៅលើជាន់ទី៣ ។
រួចថែមទាំងអុកឡុកបោកចានបង្គន់ដែលគេទុកចោលនៅចិញ្ចើមផ្លូវបណ្តាលអោយរាយប៉ាយពេញផ្លូវផ្អើលទៅដល់សមត្ថកិច្ចចុះមកដល់កន្លែងកើតហេតុនឹងធ្វើការឃាត់ខ្លួនបុរសខាងលើនេះយកទៅសួរនាំនៅឯប៉ុស្តិ៍រដ្ឋបាលនគរបាលផ្សារកណ្តាល២បានប្រពន្ធរបស់គាត់មកជួយសម្រប់សម្រួលអោយសំណាងល្អហើយដែលអ្នកធ្វើដំណើរកាត់តាមផ្លូវនោះមិនមានរងរបួសគ្រាន់តែផ្អើលអ្នកជិតខាងដេកមិនលក់តែប៉ុណ្ណោះ ។ ក្រោយពេលកើតហេតុសមត្ថកិច្ចធ្វើការអប់រំធ្វើកិច្ចសន្យាកុំអោយថ្ងៃក្រោយធ្វើរឿងបែបនេះតទៅទៀត ៕
ចែករំលែកព័តមាននេះ