ខេត្តកំពត ៖ ដណ្ដើមគ្នាកាន់កាប់ដីសហគមន៍អ្នកខ្លះបោះបង្គោល អ្នកខ្លះសង់ផ្ទះ ហើយត្រូវបានអាជ្ញាធរខេត្តកែប ចុះទៅពិនិត្យដីសហគមន៍ម្ដងរួចមកហើយនៅជាប់នឹងឆ្នេរសមុទ្រអង្គោល ឃុំអង្គោល ស្រុកដំណាក់ចង្អើរ។ ពេលដែលអាជ្ញាធរចុះទៅពិនិត្យដីព្រៃលិចទឹកជាដីសហគមន៍នៅឆ្នាំ2018នោះ។
អាជ្ញាធរខេត្តកែបបានដកបង្គោលបេតុងចំនួន2ដើមចេញពីឆ្នេរ។ តែមកដល់ឆ្នាំ2019នេះ អ្នកដាំបង្គោលរំលោភយកឆ្នេរសមុទ្របានបោះបន្ថែមដដែល និងខ្លះទៀតបានបោះបង្គោលជាជួររាប់សិបបង្គោលធ្វើព្រំដីរបស់ខ្លួន និងសង់ផ្ទះ។
ពលរដ្ឋម្នាក់ដែលមានឈ្មោះនៅក្នុងដីសហគមន៍បាននិយាយថា ដីសហគមន៍ចំនួន75ហិកតានៅជាប់ឆ្នេរសមុទ្រអង្គោលនេះ បច្ចុប្បន្នកំពុងត្រូវបានគេយកធ្វើជាកម្មសិទ្ធិ។ អ្នកដំណាងឱ្យសហគមន៍និយាយថា អ្នកខ្លាចនៅតែខ្លាច អ្នកគេហ៊ាននៅតែហ៊ានទៅចាប់យក ហើយលក់បានលុយ។
មិនមែនតែឆ្នេរនៅខេត្តកែបទេ ដែលរំលោភដោយសេរី សូម្បីនៅខេត្តកោះកុង ខេត្តព្រះសីហនុ ក៏កំពុងរំលោភយកដោយសេរីដែរ ។ អ្នករំលោភយកអាងអំណាច អាងប្រាក់ អាងខ្នងយក្ស ។
ព័ត៌មានពិស្តារមានផ្សាយនៅកាសែតកោះសន្តិភាព
ចែករំលែកព័តមាននេះ