ខេត្តស្វាយរៀង ៖ ផ្ទះមួយខ្នងត្រូវបានភ្លើងឆេះយ៉ាងសន្ធោសន្ធៅបង្កការភ្ញាក់ផ្អើលដល់អ្នកភូមិ នាំគ្នាជួយបាញ់ទឹកនិងជះពន្លត់ ប៉ុន្តែមិនអាចបង្ក្រាបព្រះអគ្គីនេះបានឡើយ ។ ការកើតមានអគ្គិភ័យនេះ ខណៈដែលម្ចាស់ផ្ទះយកភ្លើងដុតសំបុកឪម៉ាល់នៅលើដំបូលក្នុងផ្ទះរបស់ខ្លួនមិនប្រយ័ត្ន ធ្វើឱ្យអណ្តាតភ្លើងឆេះផ្ទះយ៉ាងសន្ធោសន្ធៅតែម្តង ។…
ខេត្តស្វាយរៀង ៖ ផ្ទះមួយខ្នងត្រូវបានភ្លើងឆេះយ៉ាងសន្ធោសន្ធៅបង្កការភ្ញាក់ផ្អើលដល់អ្នកភូមិ នាំគ្នាជួយបាញ់ទឹកនិងជះពន្លត់ ប៉ុន្តែមិនអាចបង្ក្រាបព្រះអគ្គីនេះបានឡើយ ។ ការកើតមានអគ្គិភ័យនេះ ខណៈដែលម្ចាស់ផ្ទះយកភ្លើងដុតសំបុកឪម៉ាល់នៅលើដំបូលក្នុងផ្ទះរបស់ខ្លួនមិនប្រយ័ត្ន ធ្វើឱ្យអណ្តាតភ្លើងឆេះផ្ទះយ៉ាងសន្ធោសន្ធៅតែម្តង ។ ហេតុការណ៍នេះ បានកើតឡើងកាលពីវេលាម៉ោង៨យប់នៅថ្ងៃទី១៥ កុម្ភៈ ស្ថិតនៅត្រង់ចំណុចភូមិចុងព្រែក ឃុំអណ្តូងពោធិ៍ ស្រុករមាសហែក ។
បើតាមសមត្ថកិច្ចនគរបាលស្រុកបានឲ្យដឹងថា ម្ចាស់ផ្ទះឈ្មោះសៅ អ៊ាន ភេទប្រុស អាយុ៣៥ឆ្នាំ ជាកសិ
ករ ។ ចំពោះផ្ទះដែលខូចខាតមានទំហំ៦ម៉ែត្រ គុណ៦ម៉ែត្រ សង់អំពីឈើដំបូលប្រក់ស័ង្កសី ជញ្ជាំងស្លឹក ។ សម្ភារខូចខាតរួមមានស្រូវចំនួន២៥០គីទ្បូក្រាម សសរផ្ទះ១២ដើម ម៉ាស៊ីនបាញ់ថ្នាំស្រូវ១គ្រឿង កង់១គ្រឿង និងលុយមួយចំនួន ។
បើតាមម្ចាស់ផ្ទះបានឲ្យដឹងថា មុនកើតហេតុ គឺគាត់មានគោលបំណងយកសំបុកឪម៉ាល់ចេញពីដំបូលក្នុងផ្ទះរបស់គាត់ ។ បន្ទាប់មក ក៏បានយកភ្លើងមកដុតសំបុកនោះ ប៉ុន្តែមិនប្រយ័ត្នស្រាប់តែកម្ទេចភ្លើងខ្ទាតទៅឆេះជញ្ជាំងផ្ទះ ធ្វើឲ្យគាត់ស្រឡាំងកាំង និងស្រែកហៅអ្នកភូមិឱ្យមកជួយពន្លត់ ។
ប៉ុន្តែអកុសលហួសពេលទៅហើយ ដោយផ្ទះជញ្ជាំងស្លឹកហើយខែស្ងួតហួតហែង ភ្លើងបានឆេះយ៉ាងខ្លាំងទម្រាំអ្នកស្រុករកទឹកយកមកបានជួយបាញ់ពន្លត់ គឺអណ្តាតភ្លើង បានឆេះពេញបន្ទុកទៅហើយរលាយទាំងទ្រព្យដែលមានតិចតួចសល់តែខោអាវមួយចង្កេះប៉ុណ្ណោះ ៕
ចែករំលែកព័តមាននេះ