រាជធានីភ្នំពេញ ៖ អគ្គីភ័យបានឆាបឆេះកម្ទេចក្រណាត់យ៉ាងសន្ធោសន្ធៅដែលគរទុកចោលនៅក្រោយរោងចក្រ បង្កឱ្យមានការភ្ញាក់ផ្អើលដល់សមត្ថកិច្ចមូលដ្ឋាន និង រថយន្តពន្លត់អគ្គិភ័យជាច្រើនគ្រឿងចេញទៅជួយអន្តរាគមន៍ភ្លាមៗ ដែលហេតុការណ៍នេះបានកើតឡើងកាលពីវេលាម៉ោង១និង២០នាទីរំលងអាធ្រាត្រឈានចូលថ្ងៃទី១៩ ខែកុម្ភៈ នៅរោងចក្រកាត់ដេរសម្លៀកបំពាក់យីហោ (ម៉ីង…
រាជធានីភ្នំពេញ ៖ អគ្គីភ័យបានឆាបឆេះកម្ទេចក្រណាត់យ៉ាងសន្ធោសន្ធៅដែលគរទុកចោលនៅក្រោយរោងចក្រ បង្កឱ្យមានការភ្ញាក់ផ្អើលដល់សមត្ថកិច្ចមូលដ្ឋាន និង រថយន្តពន្លត់អគ្គិភ័យជាច្រើនគ្រឿងចេញទៅជួយអន្តរាគមន៍ភ្លាមៗ ដែលហេតុការណ៍នេះបានកើតឡើងកាលពីវេលាម៉ោង១និង២០នាទីរំលងអាធ្រាត្រឈានចូលថ្ងៃទី១៩ ខែកុម្ភៈ នៅរោងចក្រកាត់ដេរសម្លៀកបំពាក់យីហោ (ម៉ីង យ៉ាង) មានទីតាំងនៅផ្ទះលេខ៦៤៧ ក្រុម១៣ ផ្លូវ៣៧១ សង្កាត់ដង្កោ ខណ្ឌដង្កោ ។
ប្រភពព័ត៌មានពីកន្លែងកើតហេតុបានប្រាប់អោយដឹងថា មុនមានការភ្ញាក់ផ្អើល គេឃើញមានអណ្ដាតភ្លើងឆេះយ៉ាងសន្ធោសន្ធៅចេញពីក្រោយរោងចក្រខាងលើ បង្កជាការភ្ញាក់ផ្អើលដល់ថៅកែប្រុសស្រីជាជនជាតិចិននាំគ្នាដងទឹកជះពន្លត់ និងមានកម្មករ កម្មការិនី ដែលធ្វើការនៅរោងចក្រនោះ និងស្នាក់នៅផ្ទះជួលជិតកន្លែងកើតហេតុ ក៏បានមកជួយដែរ តែដោយសារភ្លើងឆេះខ្លាំងមិនអាចគ្រប់គ្រងស្ថានការណ៍បាន និងខ្លាចរាលដាលចូលមកខាងក្នុងរោងចក្រ ក៏នាំគ្នារាយការណ៍ទៅអាជ្ញាធរមូលដ្ឋានអោយមកជួយអន្តរាគមន៏ភ្លាមៗ។
បន្ទាប់ពីបានទទួលព័ត៌មានពីប្រជាពលរដ្ឋភ្លាម សមត្ថកិច្ចក៏បានទាក់ទងទៅខាងរថយន្តពន្លត់អគ្គិភ័យ រាជធានីភ្នំពេញមកជួយអន្តរាគមន៍បាញ់ពន្លត់ភ្លាមៗ ដោយរថយន្តពន្លត់អគ្គិភ័យមានចំនួន៤គ្រឿង តែបានបាញ់ទឹកពន្លត់អស់១គ្រឿង និងប្រើរយៈពេលពន្លត់៣០នាទី ទើបភ្លើងក៏រលត់ទៅវិញ ។
នៅក្នុងហេតុការណ៍ខាងលើនេះដែរ ខាងរោងចក្រពុំបានបាត់បង់ ឬក៏រងការខូចខាតរបស់ទ្រព្យអ្វីទេ គឺគ្រាន់តែឆេះកម្ទេចក្រណាត់ដែលគេយកទៅចាក់ចោលនៅក្រោយជាប់របងរោងចក្រតែប៉ុណ្ណោះ ខាងរោងចក្រក៏មិនបានបញ្ជាក់ពីមូលហេតុនៃការឆាបឆេះខាងលើនោះទេ ៕
ចែករំលែកព័តមាននេះ