ខេត្តមណ្ឌលគិរី ៖ អគារសេនាធិការដ្ឋានកងរាជអាវុធហត្ថខេត្តមណ្ឌលគិរីតម្លៃជាង៦០ម៉ឺនដុល្លារ ត្រូវបានបើកការដ្ឋានសាងសង់ កាលពីព្រឹកថ្ងៃទី១៨ កុម្ភៈ ស្ថិតក្នុងក្រុងសែនមនោរម្យ ខេត្តមណ្ឌលគិរី ក្រោមអធិបតីភាពលោកនាយឧត្តមសេនីយ៍ សៅ សុខា មេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធលើផ្ទៃប្រទេស និងមានការអញ្ជើញចូលរួមពីលោកស្វាយ សំអ៊ាង អភិបាលខេត្តមណ្ឌលគិរី, មន្ត្រីពាក់ព័ន្ធជុំវិញខេត្ត, លោកគ្រូ, អ្នកគ្រូ, សិស្សានុសិស្សជាច្រើនរូបផងដែរ ។
លោកនាយឧត្តមសេនីយ៍ សៅ សុខា បានមានប្រសាសន៍ថា «ការលំបាកជាឱកាស ឧបសគ្គជាសាលារៀន ដោយសារទ្រឹស្តីនេះ ទើបអាវុធហត្ថលើផ្ទៃប្រទេសសម្រេចបានសមិទ្ធផលជាច្រើន លើការងារអភិវឌ្ឍអង្គភាព ។
ជាក់ស្តែង អគារសេនាធិការដ្ឋានកងរាជអាវុធហត្ថខេត្តមណ្ឌលគិរីនេះ គឺមានតម្លៃ៦៥ម៉ឺនដុល្លារ ដែលត្រូវបើកការដ្ឋានសាងសង់ គឺមិនមែនមេបញ្ជាការខេត្តមានថវិកា សម្រាប់ផ្គត់ផ្គង់គ្រប់គ្រាន់ឡើយ ពោលគឺការខិតខំកែច្នៃរបស់ប្រធានអង្គភាពផ្ទាល់ និងមានការចូលរួមចំណែកពីសប្បុរជនជួយឧបត្ថម្ភទាំងសម្ភារ និងថវិកា ។
លោកនាយឧត្តមសេនីយ៍បន្តថា នៅពេលនេះ ថវិកាសម្រាប់សង់អគារសេនាធិការដ្ឋានកងរាជអាវុធហត្ថខេត្តមណ្ឌលគិរី មាន នៅក្នុងដៃត្រឹម៦ម៉ឺនដុល្លារប៉ុណ្ណោះ ក៏ប៉ុន្តែមានការចូលរួមឧបត្ថម្ភពីលោកអភិបាលខេត្តមណ្ឌលគិរី១ម៉ឺនដុល្លារ និងលោកនាយឧត្តមសេនីយ៍ផ្ទាល់ចំនួន១០ម៉ឺនដុល្លារបន្ថែមទៀត សរុបគឺចំនួន១៧ម៉ឺនដុល្លារ ។ ដូច្នេះ នៅខ្វះខាតច្រើនខ្លាំងណាស់ ប៉ុន្តែការសាងសង់ត្រូវតែបន្តទៅតាមដំណាក់កាល ទោះត្រូវចំណាយពេលលើសផែនការកំណត់ក៏ដោយ ។
លោកឧត្តមសេនីយ៍ត្រី ហែម ប៊ុនណារ៉ែល មេបញ្ជាការអាវុធហត្ថខេត្តមណ្ឌលគិរីក៏បានឱ្យដឹងដែរថា
«អគារសេនាធិការដ្ឋាន បញ្ជាការដ្ឋានកងរាជអាវុធហត្ថខេត្តមណ្ឌលគិរី ដែលត្រូវសាងសង់ គឺមាន
កម្ពស់៣ជាន់ (១៦ម៉ែត្រ) ទទឹង១១ម៉ែត្រ បណ្តោយ៥៦ម៉ែត្រ និងត្រូវធ្វើការសាងសង់ក្នុងរយៈពេល
២៤ខែ ។
ចែករំលែកព័តមាននេះ