រាជធានីភ្នំពេញ ៖ លោកឧបនាយករដ្ឋមន្ត្រីប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៅថ្ងៃទី១៨ ខែកុម្ភៈ ឆ្នាំ២០១៩ បានចូលរួមរំលែកទុក្ខតាមរយៈលិខិតមួយច្បាប់ ដែលអ្នកសារព័ត៌មានទទួលបានជាភាសាអង់គ្លេស(ប្រែក្រៅផ្លូវការ) ថា កម្ពុជាសូមចូលរំលែងទុក្ខយ៉ាងក្រៀមក្រំបំផុត ចំពោះការបាត់បង់មន្ត្រីរក្សាសន្តិសុខជាច្រើន នៅក្នុងការវាយប្រហារដោយគ្រាប់បែកអត្តឃាត ដែលបានកើតឡើងនៅតំបន់ Pulwama, Jammu និងkashmair កាលពីថ្ងៃទី១៤ ខែកុម្ភៈ ឆ្នាំ២០១៩ ។
លោកឧបនាយករដ្ឋមន្ត្រីបានលើកឡើងក្នុងលិខិតជូនចំពោះលោករដ្ឋមន្ត្រីក្រសួងការបរទេសនៃសាធារដ្ឋឥណ្ឌាថា«កម្ពូជាចូលថ្កោលទោសយ៉ាងដាច់អហង្ការចំពោះការវាយប្រហារភេវរកម្មនេះ និងឈរលើសាមគ្គីជ្រៀលជ្រៅជាមួយសាធារណរដ្ឋឥណ្ឌានៅពេលនេះដែលមានទុក្ខសោកយ៉ាងខ្លាំង» ។ លោកថា កម្ពុជា គឺបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ការចូលរួមប្រឆាំងជាមួយភេវករគ្រប់រូបភាព និងរចនាសម្ព័ន្ធគ្រប់បែបយ៉ាង ៕
ចែករំលែកព័តមាននេះ