ប្រទេសអីុរ៉ង់ ៖ ទូរទស្សន៍រដ្ឋអីុរ៉ង់រាយការណ៍ថា ប្រទេសនោះដាក់សម្ពោធកាលពីថ្ងៃទី១៧កុម្ភៈ នាវាមុជទឹកថ្មីមួយនៅឯមូលដ្ឋាននាវាចរណ៍ BANDAR ABBASភាគខាងត្បូងប្រទេស។ នាវាមុជទឹកនោះដែលអាចបាញ់បណ្ដាមីស៊ីលបណ្ដែតអះអាងជាថ្មី ពីឆន្ទះរបស់អីុរ៉ង់ ដែលចង់ពឹងលើខ្លួនឯង…
ប្រទេសអីុរ៉ង់ ៖ ទូរទស្សន៍រដ្ឋអីុរ៉ង់រាយការណ៍ថា ប្រទេសនោះដាក់សម្ពោធកាលពីថ្ងៃទី១៧កុម្ភៈ នាវាមុជទឹកថ្មីមួយនៅឯមូលដ្ឋាននាវាចរណ៍ BANDAR ABBASភាគខាងត្បូងប្រទេស។
នាវាមុជទឹកនោះដែលអាចបាញ់បណ្ដាមីស៊ីលបណ្ដែតអះអាងជាថ្មី ពីឆន្ទះរបស់អីុរ៉ង់ ដែលចង់ពឹងលើខ្លួនឯង ខាងមធ្យោបាយការពារ គ្នុងពេលកំពុងមានភាពតានតឹងខ្លាំង ជាមួយសហរដ្ឋអាមេរិក។
ក្នុងពិធីមួយឯកំពង់ផែBANDAR ABBASដោយមានការចូលរួមរបស់បណ្ដានាយទាហានជាន់ខ្ពស់ព្រមទាំងបណ្ដាសមាជិករដ្ឋាភិបាល ប្រធានាធិបតីអីុរ៉ង់លោកហាសាន់រ៉ូហានីថ្លែងថា ពេលនេះសាធារណរដ្ឋអ៊ិស្លាមត្រូវបំពេញដោយខ្លួនឯង សមត្ថភាពការពារទាំងជើងគោក ទាំងជើងទឹកនិងជើងអាកាស។ កម្លាំងការពារដ៏ខ្លាំងក្លារបស់យើង សំដៅការពារបណ្ដាផលប្រយោជន៍របស់យើង ហើយដាច់ខាតមិនស្វែងរកវាយប្រហារ ប្រទេសណាមួយឡើយ។ លោកបញ្ជាក់ថាអីុរ៉ង់ពុំមានឆន្ទះ ធ្វើឧស្សាហូបនីយកម្មខាងកិច្ចការពារឡើយ ប្រសិនបើប្រទេសនេះអាចទិញអាវុធទាំងឡាយ ដែលខ្លួនត្រូវការ។
យោងតាមលោកហាសាន់រ៉ូហានីថា ការគាបសង្កត់របស់ពួកសត្រូវ សង្គ្រាមរវាងអីុរ៉ង់និងអីុរ៉ាក់ពីឆ្នាំ១៩៨០ទៅ១៩៨៨និងបណ្ដាទណ្ឌកម្ម បានជំរុញឲ្យអីុរ៉ង់ត្រូវប្រែក្លាយខ្លួនទៅជាស្វ័យរ៉ាប់រងខាងកិច្ចការពារ។
សហរដ្ឋអាមេរិកបានចាត់ទុកអីុរ៉ង់ថាជាសត្រូវសំខាន់របស់ខ្លួន ហើយបានដាក់ទណ្ឌកម្មសេដ្ឋកិច្ចធ្ងន់ធ្ងរបំផុត ពិសេសក្រោយពីអាមេរិកដកខ្លួនចេញពីកិច្ចព្រមព្រៀងស្ដីពីនុយក្លេអ៊ែរអីុរ៉ង់ កាលពីឆ្នាំ២០១៨។
នាវាមុជទឹកអីុរ៉ង់ដែលដាក់សម្ពោធនោះមានឈ្មោះថា FATEHជានាវាមុជទឹកធំគួរសមដំបូងរបស់អីុរ៉ង់ យកតាមម៉ូដែលនាវាមុជទឹកធុនGHADIRខ្លះនិងនាវាមុជទឹកប្រភេទKILOដែលប្រើប្រាស់រួចហើយ ដោយកងទ័ពរបស់ប្រទេស។ នាវាមុជទឹកថ្មីនោះមានទម្ងន់ជិត៦០០តោន អាចបាញ់មីស៊ីលបណ្ដែត ព្រមទាំងគ្រាប់បែកបុក។
ពួកលោកខាងលិចមានការព្រួយបារម្ភ ដោយចោទប្រកាន់អីុរ៉ង់ថាបង្កើនចម្ងាយបណ្ដាមីស៊ីលរបស់ខ្លួននិងបង្កអស្ថេរភាពនៅមជ្ឈឹមបូព៌ា ព្រមទាំងជាមួយអីុស្រាអែលជាសត្រូវជូរចត់របស់ខ្លួន។ ឧត្ដមសេនីយមួយចំនួនរបស់អីុរ៉ង់តែងអះអាងថា ចង់កម្ទេចរដ្ឋអីុស្រាអែល។
អីុរ៉ង់តែងអះអាងជាប់ជាប្រចាំថា បណ្ដាកម្មវិធីមីស៊ីលរបស់ខ្លួន សម្រាប់ឆ្លើយតបដល់បញ្ហាសន្តិសុខជាតិ និងក្នុងគោលដៅការពារប៉ុណ្ណោះ និងថាបញ្ហានោះមិនអាចចរចាបានឡើយ៕
ចែករំលែកព័តមាននេះ