ខេត្តប៉ៃលិន ៖ ជនសង្ស័យម្នាក់ត្រូវបានកម្លាំងនគរបាលចាប់ឃាត់ខ្លួន បន្ទាប់ពីធ្វើសកម្មភាពជួញដូរគ្រឿងញៀននៅក្នុងភូមិយ៉ាងគគ្រឹកគគ្រេង ដែលជាហេតុធ្វើឱ្យមានបញ្ហាអសន្តិសុខក្នុងភូមិឃុំ ។ ប្រតិបត្តិការបង្ក្រាបខាងលើនេះបានធ្វើឡើងកាលពីវេលាម៉ោង៣ល្ងាចថ្ងៃទី១៧ ខែកុម្ភៈ ឆ្នាំ២០១៩ ស្ថិតនៅភូមិដូង…
ខេត្តប៉ៃលិន ៖ ជនសង្ស័យម្នាក់ត្រូវបានកម្លាំងនគរបាលចាប់ឃាត់ខ្លួន បន្ទាប់ពីធ្វើសកម្មភាពជួញដូរគ្រឿងញៀននៅក្នុងភូមិយ៉ាងគគ្រឹកគគ្រេង ដែលជាហេតុធ្វើឱ្យមានបញ្ហាអសន្តិសុខក្នុងភូមិឃុំ ។
ប្រតិបត្តិការបង្ក្រាបខាងលើនេះបានធ្វើឡើងកាលពីវេលាម៉ោង៣ល្ងាចថ្ងៃទី១៧ ខែកុម្ភៈ ឆ្នាំ២០១៩ ស្ថិតនៅភូមិដូង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ប្រភពព័ត៌មានបានឱ្យដឹងថា ជនសង្ស័យឈ្មោះ ញ៉ួង សំអឿន ភេទប្រុស អាយុ៣៥ឆ្នាំ រស់នៅភូមិកើតហេតុខាងលើ ចំណែកវត្ថុតាងដកហូតបានរួមមានថ្នាំញៀនម៉ាទឹកកក (ice) ចំនួន៦កញ្ចប់តូច និងសម្ភារ:សម្រាប់ជក់មួយចំនួនទៀត ។
ប្រភពព័ត៌មានបានបន្តទៀតថា មុនពេលកើតហេតុ គេឃើញជនសង្ស័យខាងលើធ្វើសកម្មជួញដូរ និងចែកចាយគ្រឿងញៀនដល់អ្នកភូមិ និងមានអ្នកផ្សេងៗទៀតចូលទៅទិញប្រើប្រាស់យ៉ាងពពាក់ពពូន ។
ចំណែកប្រជាពលរដ្ឋបានឱ្យដឹងថា ពួកគាត់មានការព្រួយបារម្ភពីសុវត្ថិភាពយ៉ាងខ្លាំង ព្រោះកូនចៅរបស់ពួកគាត់មួយចំនួនបានចាញ់ការលួងលោមរបស់មិត្តភក្តិឱ្យប្រើប្រាស់គ្រឿងញៀន ក្លាយទៅជាមនុស្សមានចិត្តសាហាវឃោរឃៅ មិនស្តាប់តាមការណែនាំរបស់ឪពុកម្តាយ ហើយថែមទាំងលួចទ្រព្យសម្បត្តិក្រុមគ្រួសារខ្លួនឯង និងអ្នកដទៃនៅក្នុងភូមិផងដែរ ។
បច្ចុប្បន្ន ជនសង្ស័យម្នាក់ខាងលើត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន ធ្វើការសាកសួរបន្ថែមទៀត និងកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់ ៕
ចែករំលែកព័តមាននេះ