អ្នកអាចដាស់ទារកកំពុងតែគេងមកបំបៅបានដោយអាស្រ័យលើអាយុ ទម្ងន់ និងសុខភាពរួមរបស់ទារក។ ទារកភាគច្រើនបានស្រកទម្ងន់ក្នុងពេលប៉ុន្មានថ្ងៃដំបូងបន្ទាប់ពីកំណើត ។ រហូតដល់ទារកអាចឡើងទម្ងន់ដែលបាត់បង់នេះ ជាធម្មតាក្នុងរយៈពេលមួយទៅពីរសប្តាហ៍បន្ទាប់ពីកំណើត វាជាការសំខាន់ក្នុងការបំបៅឲ្យបានញឹកញាប់ ។
នេះមានន័យថាអ្នកអាចដាស់ទារកមកបំបៅម្តងម្កាល ជាពិសេសប្រសិនបើគេគេងច្រើនជាងបួនម៉ោង ។
នៅពេលដែលទារកមានការឡើងទម្ងន់ធម្មតា ជាទូទៅសូមរង់ចាំរហូតដល់គេភ្ញាក់ឡើងដោយខ្លួនឯង ។ ទារកភាគច្រើនត្រូវការបៅ ៨ទៅ១២ដងក្នុងមួយថ្ងៃដែលប្រហែលជាត្រូវបៅរៀងរាល់ពីរទៅបីម៉ោងម្តង ។
ខណៈពេលដែលភ្ញាក់ដឹងខ្លួន ទារកប្រហែលជាហាក់ដូចជាមានអារម្មរណ៍មិនល្អ ហើយការបំបៅឲ្យបានឆាប់ គឺមានសារសំខាន់ដោយមានហេតុផល២យ៉ាង ៖
១-យំ គឺជាសញ្ញានៃការឃ្លាន៖ បំបៅឲ្យបានកាន់តែឆាប់ អ្នកទំនងជានឹងមិនចាំបាច់លួងទារកច្រើនពេកនោះទេ ។ រកមើលពីសញ្ញានៃភាពឃ្លានដូចជាកូរពោះ ឡេះឡះ ជញ្ជក់មាត់ និងមានចលនាបបូរមាត់ ។
២- ជួយបង្កើនការផលិតទឹកដោះ៖ ប្រសិនបើអ្នកបំបៅដោះកូន ការបំបៅញឹកញាប់នឹងជួយអ្នកឲ្យបង្កើនការផលិតទឹកដោះ (ប្រភពពី៖ Health.com.kh) ៕
ចែករំលែកព័តមាននេះ